ليش نبجي وليش خلينه الدمع ينزل رخيص
ليش نبجي
وليش خلينه الدمع ينزل رخيص
وليش كل لحظة جرح نكتب شعر
ليش نجرح كلمن نحبهم نريد
وليش رغم أخطائنا نحب نستمر
وليش هدينه الفرح والهم جبير
وليش مذبوح الوفه بلحظة خداع
وليش مات الصدك والحب يحتضر
وليش خلينه المشاعر بس كلام
وبالعتاب اشفافنه شكد تعتذر
وليش نحرح بعضنه وتالي نبتعد
وليش نخلي حبنه ينخط بالجرح
خلي نكتب قصه اولها الفراك
واخر يوم نخط بيها الوان الفرح
اه منك ياحبيبي تغيرت
وصعب طبعك صاير وما ينكدر
واه منك يازمان شسويت بينه
وكاعد بس اجرح اقلوب البشر
ليش هيجي يازمان يصير ليش
المشه بصفك خذيته ومدري وين
والرفض يمشي انوله من كل كتر
اه يادنيا صدك مابيج امان
وفرق بين اليوم وايام الزغر
جانت قلوب البشر تنصع بياض
هسه لون قلوبهم ماينحزر
واه منك ياغدر الحبيب يمكن
بلحظه يجي وبكل هدوء
وممكن بلحظات يتحول غدر
وانه محتار وي ناسي بهل الزمان
ساعه ابجي وساعه ارد انهزم
وساعه احس بروحي انه شكد غريب
وخلص صبري وبعد مابيه صبر
وساعه اذب دمعي وانه بنص الطريق
وبيني وبين الموت ساعتها شبر
ساعه اتعجب بدنيا مابيها امان
ارجع اكتب بورق قلبي كلمة غدر
انا من دنيا ماردت هواي
انا ردت اليحبني ويداوي الجرخ
انا ردت اليشيل الهم عني
ومايكلي ابعد ثرانه منجرح
رد مع اقتباس
