والله زحمه
على جرحي يخــايب الجم وشوف
وشوف شلون يصبح مــــن تلجمه..
يصغر مـــــــن اتجثر بعد لجمات
ويكبر لــــو يجي غيرك يلضمه..؟
انه لــــوبيدي عن الكون اضمك
وشيل الكــون عنك هم اضمه..!!
والغي الهوى عنك حتى ماغار
ما اقبل يشمك او تشمه..
واجمعلك هوى من ريحتك هاي
على غيرك يمر صدك يسمه..!!
واذا عل ماي؟ سهله اعصرلك عيون
وخذ شرياني خاف تعوز دمه..
اشعلني شمع ارد ابقه اضويك
وطفيني لمن تحتاج ضلمه..
ولم عضاي بيدك طشهن دروب
وامشي اسحك عليه بدون رحمه..
كلشي يجيني منك عمي مقبول
بس تزعل علي لا والله زحمه..
اشتمني ولك ما ازعل وياك
عادي المهم منك جتني شتمه..
يلوموني لان أذاني فركاك
وكلهم اش حرام اندوس نعمه..!!
ويلموني لان بس تغلط وياي
وقشمرني وكول ايجوز قسمه..؟؟
وكالولي ورايه تسولف اشكال
حجي واحد مسيطر يكدر يخون..!!
ورغم كل السمعته كلت ياناس
ولكم غير يحبني و يطرد عيون..؟؟
دفعوني عليك الضحكو وياك
وماكدرتلي دنيه من اليدفعون..
أيسو مني كل الرادو انساك
وتعبو حيل من فكرو يخربون..
وحيل تغثني وتعب حتى ارتاح
وكول تهون اصبر ودري متهون..؟
وتدري الناس تجرح دون متشوف
وسوالف سيف تصبح مايرحمون..
ابحجة شقة يشمتوك للناس
وبحجة ميزعل بيك يشرون..!!
يلحون بشقاهم حيل وياك
ماطول عليك هواي يبزعون..
ورغم كلشي احبك وبقه اجاريك
حتى اعكس كلام الكال يمثلون..
واذا انه بعد ما اوكف وياك
شتنفع بعد عذرآ لليلومون..؟
علمني غرامك معنى الاحساس
وحسسني الي حبو بيش يحسون..؟
وعلمني بدونك ابقه خسران
ولحبوك بس الراح يربحون..؟
وعين الماتشوفك هاي موعين
حجر متنكر ولابس جفون..؟
لان ادري اليشوفك ينحول بيك
والعميان كلهم راح يفتحون..؟
ويلطم بيدة ثق الشافك بطيف
وشفافه تكوم تعض بالسنون..
ومنو الكال اليحبك يعشك انسان
وحظرتك زائد انت تساوي مليون..؟
دخل حبك قصص ونكتب تاريخ
قبل كلمة قبل بس بيك يدرسون..؟
وقيس شخبله وحب ليلى بخبال
شاف شكد احبك صار مجنون..؟
شاف شكد احبك صار مجنون..؟
رد مع اقتباس
