خسرتك والدموع تعاتب الليل
لأن منك بقت بس التصاوير
أنه بعدك شسولف راكد الحيل
وعلى حالي بچت حتى العصافير ؟؟
بعد رسمك يغالي بنص العيون
وبعد لمسة اچفوفك بين الچفوف
وبعد أنغام صوتك لسه بالروح
وبعد عطرك حبيبي بداخلي يطوف
وبعد وياي تاكل تشرب تنام
وبعد شخصك يمرني بكل الطيوف ؟؟
تمنيتك ترد يمسافر بعيد
وبعينك تشوف اشصابني مصاب
أبوس الباب بعدك چني مجنون
لأن طبعات جفك لسه علباب
ولأن أثار جدمك لسه ع الگاع
صرت ع الگاع افرن مثل دولاب
گلي العين بعدك تغمض شلون
والگلك تغمض گله چذاب
واذا غمضت أگلك غمضت الموت
يعني اني ابلحد وعليه التراب
رد مع اقتباس
مو بس رووووووووووووووووعة
