تعرفون بعد الوضع الاقتصادي بالبلاد وراتب الموظف ما يكفي، .. و منا الجهال ومنا الفواتح والاعراس (همزين اللي يفسخ سكتاوي محد يريد فضل) ..
فعندي (عربانة) ابيع بيها فلافل عصريات، هيج عل جهال وكت الحلة مال المسائي
اجاني زعطوط شايل جنطته مبين عليه ابن خير وراد مني 23 لفة فلافل سفري
كتله عمو عندك فلوس ؟ كال اي عمو شوف طلعلي فلوسه، ما حسبت شكد، بس مبين يكفن.
فاني كيفت لان ابيع 23 دفعة وحدة، وين لاكيها، واللفة بـ 500 طبعا ، وهاي فلوس الجهال كلها مشككة ومعقجة ، كلت ابيعهن عليه وارجع لاهلي.. المهم
من سويتهن وكملتهن وحطيت عليهن عنبة (ويقال عمبة، ولكن قلبت النون ميما هع) وخليت كل 3 لفات بكيس، واخر كيس بيه 2
فشفته ضاج وكام يتأفأف .. كتله ها عمو ؟ ليش ضجت، خاف ما تحب العنبة. ؟
كال لا. مو عل عنبة، بس اني امي كالتلي اريد عدد متساوي من اللفات بكل كيس
كتله عمو .. ما ترهم عدد متساوي، لو تزيدها لفة اسويها الك عدد متساوي .. ما قبل كال فلوسي ما تكفي غير لـ (23) لفة
صفنت بيها .. شلون ما احسبها ما ترهم،واني رجال فهمي على كدي و منا عياط الجهال بالحلة شي تكفخ شي ثاوليني
القضية يمكم بعد .. منو يعرف الحل، .. تر رجال على باب الله
رد مع اقتباس
المشاركة الأصلية كتبت بواسطة التميز عنواني
