عليك الكلب ثابت قفل مقفول واموت وما أدور عن بديلك ما أحب الصلاة بس كمت اصلي اصلي لخاطرك حتى اندعيلك
عليك الكلب ثابت قفل مقفول واموت وما أدور عن بديلك ما أحب الصلاة بس كمت اصلي اصلي لخاطرك حتى اندعيلك
تعال وشوف حالي جم جرح بية موبس الكلب مجروح حتى الروح ماذية ياس خضر مابجاك لوتسمع اغانية تدري من يكول اعزاز نار وتشتعل بية
يمته ترجعلي وتطفي بروحي نار
حتى تاني بك محطه وكل مطار
تعبت عيني ثواني الانتضار
مختنگ يلغايب وبيدك هواي
مدونة جميلة جدااا
متابعة
اهلا بك حياتي ..شكرا ع التقييم يغلاالمشاركة الأصلية كتبت بواسطة ولائية موسوية
مدونة جميلة جدااا
متابعة
مل مني القلم ومن القلم مليت
عمت عينه قلمنه الما نفع شِعره
تعب حته الشِعر ويه العراقيين
وصار بحال اهلنه وبالعراق ادره
رسمت حروف العراق برسم فنان
وجمعت اربيل والانبار والبصره
وگلت لازم حروفي توحد الخوّان
ما معقوله هيچ تصير فد مره
ورديت ولگيت دموع عالوجنات
حروف الي رسمتهه اليوم متطشره
آردستان تحچي بزودهه وتگول
احنه العاصمه وبغداد متأخره
والانبار شالت سيف عالخوان
لو ليه الحكم لوفلّش الاسره
والبصره تگول احنه نريد اقليم
ومن نفط العراق الكُم فقط عُشره
وشفت للفتنه والله العراقيين
دون حروف جر يا ناس منجرّه
مذبوحه المحبه وناس تكره ناس
سويه الي يحب والقابض الجمره
حته الورد ما يرضه بعد بالماي
من دمنه تريد الورده والشجره
رقم جبنه قياسي بالقتل والموت
وصرنه اول شعب نص اهله متهجره
نهر دجله يا ناس من الجثث غرگان
خلي نمد ادينه لدجله وانجرّه
على جثثنه ادور هالفضائيات
ياهو الي يصور ياخذ الاجره
معصوبه العيون مچتفه الايدين
وانواع الرصاص يچوب بصدره
لا اهله اجوي وچفّنوا بچفان
مجهوله الهويه ومن درة بأمره
اذا امّه الحنونه الصايمه برمضان
ما اآلت اآلهه وبقت تنتضره
تنتضره يرد وتريد تحجي وياه
اثاري العيد لازم ينگطع مهره
لان باعت ذهبهه بشارع الصياغ
حته تزوج ابنهه الما فرح عمره
ما نامت بقت سهرانه آل اليل
ايا ليل العراق الما بزغ فجره
وما جاهه صبر طلعت تدور عليه
مثل طلعة حمامه بعينهه العبره
وما شافت ابنهه وجاهه ملك الموت
تعرف شنهي يعني تموت بالحسره ؟؟
معناها الفرح صاير مثل رجال
شايل ورده بيده وخنجر بضهره
معناها عراقك آاتل ومكتول
سوده گلوبهم وعقول مفتره
وآل هذا ويگلي احنه العراقيين
سنه وشيعه عشنه الحلوه والمره!!
لا والله چذب احنه العراقيين
سنه وشيعه مثل الضره عالضره
ملينه الچذب وليمته وليا دوب
واقع حال لازم نخضع لامره
ملينه الچذب وليمته وليا دوب
قصايدنه اجت للناس متأخره
نعم خوان احنه
نعم خوّان احنه وياك آني بهاي
بس مو من بعد تفجير سامرّه
بعد تفجير سامرّه العراقيين
مثل فلم الرعب ودمايته الحمره
مو فتنه صحيح الصايره ابّغداد
سونامي الفتن بغداد منتشره
قتل مو عالهويه هواي متوهمين
صارت عالاسم گص راسه ويشمره
واليگلي تبالغ انته حيل بهاي
جبت حجه ودليل وياي هالمرّه
اتحده بكر واتحده ابو الخطاب
افن واحد البيهُم يوصل الثوره
واتحده على واتحده هم حسين
اذا فلوجه طبهه ومنكسر ضهره
صفر آل النتايج للعراقيين
بس بالفتنه جابوا عشره من عشره
هذا يگول سني ناصبي اغتالوه
وهذا يگول شيعي رافضي نكفره
ضلّوا بهالسوالف يا خزي ويا عار
واسرائيل علگت نارهه الكبره
يول وين الشرف گدامكم بغداد
شگّوا ثوبهه واخذوهه متأسره
غتصبوهه الكُفر ... ما تسمعوهه
تصيح
آنه ام الشرف واليوم مو
عذره
بعد والله ما ينفعنه قيل وقال
لأن آلشي انتهه وانكسرت الجرّه
مرحوم العراق استشهد من
سنين
يا وسفه صفت أشلائه متنثره
متنثره بمزابل يمهه آوم چلاب
اآلت من لحومه وما درت سرّه
صير وياي بس هالمره اترجاك
عيب من العراق اليوم نتبرّه
صعبه بمزبله جثة العراق تصير
خلي نشيله منهه وندفنه بگبره
ياطير ياللي في قفص صدري سجين،
مااظن باقي بعد هالفرقا إجتماع،
قم نطوي الليله وجوه الراحلين،
وننسى الوداع اللي قبل دمع الوداع”
حزين من الشتا والاحزين من الظما ياطير
دخيل الريشتين اللي تضفك حل عن عيني*
دخيل الما ..وملح الما..وحزن الما قبل ماتطير
تهيا للهبوب اللي تصافق في شراييني
يآخيٌ ضيقُ.وينُ وجهٌت الطريقٌ..الصديقٌ الليٌ
ذخرتهٌ للزمآن المٌرٌ ماعرفٌ معنى الصديُق !
ليش الحقيقة تعتبر كذب ونفاق؟!
ليش الصراحة بالمحبةجريمة ؟!
ليش الوفا معدوم من الاعماق ؟!
ليش المشاعر مالها قيمة ؟!
رد مع اقتباس