جاك الطنطل جاك الواوي
هذا الشعر اقدمه للشعب العراقي
شعر شعبي للترفيه
اتحداك اذا ما تضحك#جاك_الطنطل_جاك_الواوي
جنا زغار نخاف بسرعه ...
مانتحمل خوف وخرعه ...
واليبجي يلفخونه بصكعه ...
لا تبجي وتصرخ "علاوي" ..
جاك الطنطل ..جاك الواوي
**
كل يوم يقشمرنه الوالد
طنطل نازل ..طنطل صاعد
والواوي بحوش اهلك كاعد
لتفك حلكك هص "علاوي"
جاك الطنطل ..جاك الواوي
**
صارت بينا خلسه ورهبه
ونخاف من البيت نطبه
عفنه الطنطل هو وربه
واهلي يدرسون بعلاوي
جاك الطنطل ..جاك الواوي
**
** ومرت بينا سنين طوال
والناس تعلمت موال
من تسمع بينة الأطفال
تصرخ اسكت وك "علاوي "
جاك الطنطل جاك الواوي
**
شنهو الطنطل بس فهمونه
مو صار سنين تخوفونه
كالوا ياكلكم تردونه ؟؟
هذا اخطر من الزرقاوي
جاك الطنطل جاك الواوي **
**
واليوم الطنطل مسؤول
يضحك علماعدهاعقول
والواوي يبوك المحصول
واحنا نهوس وي " علاوي "
عاش الطنطل .. عاش الواوي:123:
****
#منقول بتصرف
رد مع اقتباس
