احبج من زمان وخايف احجيها
وصار اسنين كلمه ابصدري خا فيها..
احبج لكن من اشتاك
اسوي الروح دمعه ويمج ابجيها..
لان روحي جزيره وما وصلها انسان
وانت اول بشر صدك دخل ليها..
مدري اشلون احبج وانه محتار
ومدري اشلون تاليها..
يابسمه فرح بشفاف كل مظلوم
ويا حب روحي الاول ماكو ثانيها..
يهلال الفرح لتغيب عني بيوم
الدنيا امخربطه وما نعرف اشبيها..
دكليلي احبك خلي ارتاح
وادموع الفرح نهران اسويها..
احبج والله بالقران وهاي
انجوم ليلي عني سئليها..
ولج روحي الج صدكيني من اشتاك
بس ويه النسيم الهاب اوديها..
على ابساط الحزن توصلج الروح
وسمعيها كلام ومره فرحيها..
مو كلمه اسف..تذبحني بالسجين والكالاها ما حس ابمعانيها..
روحي اتمرضت والنوبه بيها اجروح
ومن كلمه اسف ياهو اليداويها..
تكولين انت غالي واعز انسان
وياكلمه اسف ابعيد خليها..
بس كلمه(نعم)ترد الروح
منج ردي روحي ارجوج كوليها
منقول
رد مع اقتباس
المشاركة الأصلية كتبت بواسطة بريق الماس
