هنا

[ambitious]

سلام عليككم
اني رابع ادبي حاطيلنه بالتاريخ موضوع عن فيزياء بعصر الاسلام بس ريد اعرف شنو معنى هاي الجمله
ممكن احد يشرحها حتى لو فيديو باي لغه

[Samer]

الجملة واضحة .. بس اذا نريد نشرحها بالعامية

العلماء المسلمين عرفوا شلون ينتقل الصوت، وكالو انه الصوت اصلا يتكون من خلال حركة الاجسام (المصوتة، يعني اللي تصدر الصوت) ، و شرحو الفكرة انه هذه الحركة تؤثر بالهواء المحيط بيها (اللي يحيط بكل الاجسام عل ارض)، لذلك من جسم يضرب جسم آخر ، الهواء بيناتهم ينضغط ويخرج بسرعة وينطلق على شكل (موجة) بشكل دائري (دائرة مركزها هو الجسمين). إلى ان هذه الموجة تتسع وتضعف شوية شوية (معنى يضمحل)

طبعا هذا مغاير للتفسير الحديث، التفسير هذا يعني انه الهواء هو (مصدر وناقل الصوت) بينما العلم هسة يكول انه الهواء هو فقط (ناقل) للصوت،

الاحتكاكات والصدمات بالاجسام تسبب اهتزاز هذه الاجسام، هذه الاجسام من تجيها طاقة حركية معينة تهتز بتردد معين، و هذا الاهتزاز ينتقل من الجسم للهواء المحيط بيه، والهواء يوصل طاقة الاهتزاز لطبلة الاذن، فالاذن تنقل اشارات الاهتزاز هذه للدماغ، اللي يحللها على شكل صوت ويعطيه مواصفاته، حسب التردد والشدة

يعني الهواء ناقل للصوت فقط، و مو (مصدر، يعني مو ينسل و يتدافع وبالتالي يولد الصوت) لان الصوت ايضا ينتقل عبر الاجسام الصلبة، وعبر الموائع ايضا، بل بالحقيقة الهواء (او عموم الغازات) هي الوسيلة الاضعف لنقل الصوت، لذلك من تخللي اذنك مباشرة على قطعة حديد واحد يطرقها، راح الصوت يكون اكبر بهواي ممما لو تسمع الطرق عبر الهواء

للمعلومات .. اي اهتزاز (مسموع) لازم يكون تردده ضمن (التردد المسموع من قبل الاذن البشرية) اللي تتحسس الترددات ما بين 20 هرتز، إلى 20 الف هيرتز، اذا اعلى تسمى (موجات فوق صوتية) وما تنسمع (رغم نكدر نتحسس اثارها، وتستخدم بالعلاج) ،واذا اقل تسمى موجات تحت صوتية و ما تنسمع ايضا ، مثل اهتزازات امواج البحار، اللي تسبب دوار البحر، بدون ما نسمعها كذلك

[ambitious]

شكرا استاذ فهمت
اصلا رحت ادبي من الفيزياء معاناتي من الاول متوسط