تدري ليش انة گبل اسئل عليك؟؟؟بقلمي
تدري ليش انة گبل اسئل عليك
جنت من تسالني مااكول السبب
انة اكلك. لازم انطيك الجواب
حتى نفتح. هسة بيبان العتب
اتريد ياباب الافتحة وابدي بي
ولاتگلي من رحت عنك غصب
باب منهن انة اتذكر حجيت
كتلي سدة لان سببلي تعب
وباب ثاني من رحت عني ومشيت
احجايتك خنجر بقى بنص الگلب
باب جرح ابگلبي ضل يسالني دوم
من گلت عنة فلا يعرف يحب
يعني مو اني عليك اسال اكيد
لان مااريدك تجي الگلبي وتطب
جان جرحي ايخاف لا تسال عليه
من تلجمة تعرف اصوابة صعب
هسة طاب الجرح واطمن تراه
حتي دمع العين بطل مايصب
صارت القصة عكس وافهمها عاد
البية اصبح بيك وانطيتك شطب
اعترف من بالي ابدا ماتروح
مو محبة ولا شماتة ولا نصب
بس اكول الصار شو كلة من اديك
بيدك النارك وتجيب االها االحطب
يل جبت عمرك على اوهامك تعيش
النخلة لو يبست فلا ذبت رطب
هم شفت سمچة تعيش اعلى التراب
وعافت الماي وتربت عاالعشب
انتة هيج اتشوف نفسك من زمان
اتبري نفسك ليش ماعندك ذنب
الهوة مو بيدك تري لو مر عليك
الكلمة اوزنها وزن لمن تذب
شوف دربك زين ضل عاين عليه
ذاك من ذاك اليدلي اعلي الدرب
الدربة مايندلة يتخيل سراب
مايتعب غيرة بس هوة التعب
الورد انواع بي كومة اختلاف
مو عطر واحد على ابن ادم يذب
يصح عطر مسموم يكتل بالمكان
وعطر لو شميتة بي كل العجب
#بقلمي
رد مع اقتباس
