هلو حبايبي
اليوم جايبتلكم مجموعة من الدارميات للشاعر كاظم اسماعيل كاطع
طبعا الدارميات تحكي عن الزواج غير المتكافئ او زواج البنت بالغصب
ونلاحظ اسم كعيم يتكرر في الدارميات وهو الاسم الذي اختاره الشاعر للزوج
ياروحي شتكولين نصبوا الكله
لو طب علية كعيم حايرة شكله
خيه انتي رجلج زين جايب وكيه
رجلي بثلث تمرات ردوه عليه
جا يرضى ابو الحسنين لكعيم اشمه
انذرت سبع انذور من كون اسمه
بطلتو الشارات كلكم يا ائمة
ولا منة العباس بقران اسمه
سوالي والله كعيم بالكلب عله
بطلت من شكواي والشكوى ذلة
خلصت من كعيم هلهل يثوبي
ابن الزنى الملعون كثر ذنوبي
لا يمي امي تنوح لا اعرف اصيحن
ضاربني سطرة كعيم تمنيت انوحن
لله اشتكي يكعيم واهناك نوكف
من اخسرك والله جفني فلا رف
سوالي علة كعيم سواهه بسكوت
شنطي للمبشرين لو باجر يموت
ياربي ترضى بهاي هو طبيبي
من يغدي سبع نذور فدوة لحبيبي
تــحــيــاتــــي
رد مع اقتباس
