البيت لو مابي سوالف دافية
كَول شالت منه أمي العافية
يمه
يمه عطشانه عليج
وينج ؟؟؟
ارد اموت ابين اديج
أمي وين .... أمي وين
فدوه وديلي حنانج روحي أحس بيها ضمه
روحي ماتصبر بدونج يالعليلج معلمه
ثقلت همومي بغيابج يمه وينج فاطمة
الغيمه مِن يثكَل حزنها دموع تبجيها السمه
التنزل دموعه بترافه يبجي حيل
الفاكَد امه كل حياته يحسها ليل
دمــــعــــي
دمعي ينزل وعتنيج
وينج ؟؟؟
ارد اموت ابين اديج
أمي وين .... أمي وين
شوية ياموت عله هونك بعده مو وكته السفر
الليل لو ما حظنه دافي ماغفه بنصه القمر
أمي من كَد ما حنينه جانت تنوم السهر
الطير تآخذ كل حياته لو خذت منه الشجر
الباكَوا احلامه تحس بعيونه نار
ظلمه روحه شما يمر بيها نهار
ظلمه ... ظلمه وبروحي أشتريج
وينج ؟ ... ارد اموت ابين اديج
أمي وين .... أمي وين
أمي من كَد الترافه جانت تسولف ضوه
الدنيا لو مابيها أمك ماتحس بيها هوه
المايشوف امه بصباحه هو والميت سوه
الينجرح لو غابت امه الجرحه مايرهم دوه
اليلجم ويشوف امه بنص تراب
يعيش مصدر للونين وللعذاب
عيني ... عيني من تبجي اجيج
وينج ؟ ... ارد اموت ابين اديج
أمي وين .... أمي وين
أكَعد وايدي عله خدي وارسم بدمعاتي باب
ياهوه يسمعني واكَله الموت مايسمع عتاب
الجانت تغطي حياتي هسه غطاها التراب
يمه عطشانه ارد اشوفج شوفتج صارت سراب
اليحضن امه يعيش دنيه بيها لون
والفكَدها يعيش عمره بلا عيون
يمه ... يمه من جرحي اشتكيج
وينج ؟ ... ارد اموت ابين اديج
أمي وين .... أمي وين
يمه كل ذكرى عله بابج ترسم بروحي ألم
عصرتج والسطره ويلي منها ما واحد سلم
نار بابج خاف تكبر توصل الحد الخيم
وخايفة البسمار باجر يرجع بهيئة سهم
طفهم وبابج خذوا نفس الصفات
هيه وادم ظالمه وماعدها ذات
ناري ... ناري يذكرني بيج
وينج ؟ ... ارد اموت ابين اديج
أمي وين .... أمي وين
رد مع اقتباس
المشاركة الأصلية كتبت بواسطة حلاوة الايمان
