سلام عليكم درر:
اليوم جبتلكم قصة خنفشارية صارت من جنت مرحلة أولى بالكلية، وقتها كان عدنة امتحان بمادة صعبة كلش .. الأستاذة دخلت للقاعة وطلبت نخلي الملازم والكتب وأي شيء يتعلق بالمادة بالزاوية الأمامية مال القاعة ، احنة هم سوينة هيج والكل طلع أوراق وأقلام وبدأت الأستاذة ترد الأسئلة والطلاب يكتبوهن ، بالنسبة الية الأستاذة خابرت أستاذة ثانية اجت تكتب لي فعلاً كعدت بمكان الأستاذ اللي يلقي منه المحاضرات أجاوب والأستاذة تكتب جوابي ، واحنة دنمتحن انطفت الكهرباء ولسوء الحظ قاعتنا كبيرة تستوعب 144 طالب بس مابيهة شبّاك ولا أي منفذ ضوئي لهذا تارسيها شمعات وكلوبات، طبعا من انكطعت الكهرباء صارت ظلمة كلش فالأستاذة المسؤولة عن الامتحان كالت (طلعو موبايلاتكم واكتبو على ضوة الشاشة مالتهن) هنا صارت القاعة سينما أغلبهم كامو يغشون بالموبايل يعني واحد يدز لصاحبه السؤال الميعرف جوابه برسالة وصاحبه يرجع له الجواب برسالة ويمكن السرة الأخير كامو حتى يتخابرون ويغشون ، ظلت الكهرباء مطفية نص ساعة اجت على أخير 5 دقايق .. الأستاذة كالت ما دام غشيتو كلكم تعيدون الامتحان ما عدى حسن.
بس تخيلو وياية المنظر فد 100 طالب يستعملون الموبايل للغش لعد شكد ربحت شركة زين وآسيا سيل ههههههههههههه
رد مع اقتباس
المشاركة الأصلية كتبت بواسطة تراتيل سومرية
