ردي ...ردي
يا ضعن شت عن هله حداي غربه البيه يحدي
ردي
ينباع العشك والياااكلب تهوين صدي
لاا تهيجين الجروح جروحي من تلجم ...تدي
وانه من دم ولحم موو من صخر جبدة العندي
ردي
مليت الصبر ومكاطر الدمعه على خدي
وانه خلاني الدهر ناعور بس اترس وابدي
جورت ليل الهجر واعجزت منه وهذا حدي
بلجي من يغفه الجفن..ما جلمه التنكال بعدي
وانه موش اول زند يشتل شلب ويحصد بردي
ردي....ردي
ما بيه حيل امعاتبج وانه العليه اديت جهدي
غلست من الكلت والكال كمت اسمع واعدي
صابرت صبر الطفل شرب الصبر والحزن مهدي
واحملت ليل العطش وانه لعيون السود وردي
والله جامل او جزع لو قصيتي ..عل ايوب تسدي
ردي ..ردي
يلي عمرج زهلله اوون او ملامه او ظيم وعدي
نحي عني محبتج ماااالج دليل ايشيل دردي
يل هويتي بلا وجاد انووب من تهوين وجدي
حطي جدامج ملام الناس وبمشيتج تهدي
لاااا تلومين اليون واللوم علمدرج تعدي
وانه طبعي العتب علما حلاله ايصون عهدي
والله جاااا مل وجزع لو قصتي عل ايوب تسسسسدي
ردي..........ردي
شعر....عريان سيد خلف
رد مع اقتباس
