لا يمي واحضنك ... ♥
....
لايمي واحضنك واخبط الروحين ❤️
ولا انت البعيد المالك جيه
لاسرك مثل يوسف واشمره بير
ولا اگدر اضمه اليحترك بيه
حبك وين تاليه
عندي احلام صارن سود
واني اضحك واگول احلام ورديه
لاتسألني بيك احتار
قبل لا اعرف انت اشبيك خليني اعرف اشبيه
تعبت من الشمس واني ادري راح ارتاح
من تفتحلي شعرك واگعد بفية
يگطرة مطر بيه العطش كتال
وادري بشفتي توگع ما الك نية
واخاف من الحچي و بسكوت اتمناك
مثل طفلة فقيرة تريد ترچية
اذا حبيت غيرك يعني ما حبيت
واذا حبيت غيري اتمهل شوية
بس انطيني فرصة اندار ويگودوك
حرام يضيع مال گبال راعية
وحرام نضيع الجنة
انة تمنيت اكون اشبه المعدوم
القبل ما ينعدم گالوله اتمنى
وانت اتخيل النية
......
مهند العزاوي
رد مع اقتباس
