الشعـب لازم يسوالـف
الظاهر حلوگ المناير بيها موس
وشيصير اعل الشعب لو صاح
كافي .. !!
وشيصير اعله النجف لو صاح
كافي .. !!
وشيصير اعله الملك لو ثلم تاجه
وفصله حجول وتراجي لكل عروس
احنا من نبني المناير ينتهي دور العمل
ويبدي دور حجايتك و عمامتك
ويشيل صوتي
وي الهوى وي الماي وي طيف الشمس
السياسين عبادة نكاح
والشعب من يضم صوته يصير جرباية عرس
المنحلة بدم الشعب يثخن عسلها
وبخواشيكَـ الذهب ينضاكَـ ماي وجوهنا ولذة عملها
وكل تعبنا وي الوطن ضايع ثواب
وكل شوارب مجلس النواب زحمة
وزحمة من تسطي الحرامية اعله اهلها
آنا حريتي قضيتي تعيش أعيش
تموت وياها أندفن
وﻻ تفكر تعتقلني
اني ماتلكَاني بيه
آنا صرخة بكل عمر ضاكَـ الحزن
أعتقل كل ذاكرة وطلعني منها
الشاعر برآس الشعب مو بالسجن
وأضطهدني برآحتك وأتشفى بيه
وأمسح أسمي من التنانير وخبزها
بطني مليانه قضية
يجي يوم نثور "ضدك"
يجي يوم نكَلك "أرحل"
بلايه فتوة مرجعية
تجي ساعة الناس تتداين شجاعة وتصرخ "أرحل"
متاني يوم آكل جبدتك وبثواب الفقرة
أطلع حيفي منك
وآخذ من الكرسي عود
وشوف روحك
جم فقير يطيح لو نظفت سنك
يجي يوم ونشچخ المنجل بصدرك
ونشرب بدمك ونسكر
كاتبين أغنيتك وجاهز لحنها
شوكت مايدبر ضمير انكَله غني
مشتهينك
والجياع أسنين بس تبرد بسنها
أنت سويت الشعب مثلك عگارب
والحكومة شما تعافت تكبر ويكتلها ابنها
رد مع اقتباس
المشاركة الأصلية كتبت بواسطة سارهـ الطائي
