هنا

[فقار الكرخي]

تعال أسرارك البروح مذبوحه!
تعال دموعي عالوجنات مفضوحه
الك كلشي عدل ودع وراك وراح
وبقت عيني أعله درب الشوگ مشبوحه
وشفت گلبي العليل يداوي بجروحه
واتنشد
وخم هواي ماصح اليدلي اعليك
تعال أگرب هلالك غاد مالوحه
خلص صبري وأحاچي الروح
ها ياروح؟
مابلل دمع ريگان من لوحه!
ماشفتي الگمر بي بيبان مفتوحه
مامن صوت لامن ماي لسفوحه!
ترد سكته بونين أعتاب شموازيك
شموازيك
ليش أتصير مرجوحه!
شموازيك
شموازيك
تتخطه بوسط سوحه،،
ها ياروح!؟
چا والليل والحسرات وطيوفه
ها ياروح!؟
مو تدرين حد الموت ما عوفه
چا والناي لويعزف يخلص الآه
أگبال البيت شد روحه!
ها ياروح!؟
مابيه
السهر وشل عيوني انعاس
ولابيه
أغني اعزاز بأول كأس
مامش صوت
مات الصوت
مامش حيل
واتحمل هجر ووداع
گظيت اتنگط اعله الگاع
وكلشي أنواع
الطين أنواع
الريح أنواع
أبنادم الطير أنواع
والف مره گلتله أتريد
أخذ روحي بصريره أمتاع
والف مره گلتله أرجوك
مو تمشي وتعوف أوجاع
بس ياحيف
طعناتك لفني أبساع
من مگفاي حيل أبساع
بس ياحيف
ما حسيت مو نعناع
اشتم بيك مو نعناع
لو نعناع ما شتلوك بملوحه
لاترجع....
الضحكه اسنين مذبوحه!
لاترجع.....
اگليبي أومات من نوحه!





همام الزغيبي

[سارهـ الطائي]

الله الله
شكراً لك