كــــــــون أصيـــــر
كــون أصيـــرن نسمـــة عـــذيبي تمــــر
بشفـــاف ورده ..
وكون أصيــــرن عطــــر الها ..
حتى يشتمنـــي الغريب.. العنده بالدمعـــه علاقه
تشبــــه الحب والحبيب
كون أبالي محطـــه والحلــــم لو مـــر أسأله..
ليش ما توكف ثــــواني ؟؟... من تمر.. جنك قطــــــــار ..
كون أخلـــي الوكت أســـرع ..حتى ما يبقى محب ينطر حبيبه
ويكظـــي كل سنين عمره.. حزن وأيام أنتظــــار
كون اصيــــرن ضحكـــه بشفـــاف الصغـــار
وكـــون أصيرن لوحـــه مرسومه ... بأمل
ماي متروســـه أريد وكـــل ملامحها خضـــار
وكــون أصيرن صــوت بلبل يغني وي خيط الصبح
الله يا خيـــط الصبح
أنته صاير خيــــط ...ضحكـــه ..
يمشي ويــــروف الجــرح
ويمسح الأثار منه حتــى لـــو صعبه المسح
كون أصيـــرن خيـــط مثلك
حتى أمسح مـــن أبـــوي.. كل تعب ذيـــج السنيــن
وحتى الّمن ضحكه ل أمي..اللي بجـــاها الحنين
و حتى يتمشـــون بيه بــلا... جـــدم
بلا جـــــدم ..
كل هـــذوله العاشكَيـــن
كـــون أصيرن ورقـــه بيضـــه
وابدي أصنــع من خيالي .. قــلم شاعــر .. بيدة يرسمني قصيــده
يحجي بيها أعله العـــراق
يحجي بيها أعله الحيـــاة
يحجي بيها شلــون دجلـــه .. يغازل عيـــون الفرات
كون أصيرن روجــــه تدفـــع
مركـــب العاشـــكَ بديهــــا
حتى يوصـــل.. لليـــريده
ببتسامه يمـــدله أيـــده
بلكـــي يكلب حزنــه... صفحــه..
ويبدي مــن صفحــه جديده
وكون أصيـــرلهم حصيـــره
جوه رجلين اليتامـــه...انه اصيرلهم حصيـــــره
واريد انـــزع جلدي واصبر..
وادري بيـــه العوز يكسر
خاطــر الام... الضريره
جلدي انزعــه وأغطيهم
ما أريد أسمـــع بجيهم
وحتى أمهم لــــو تفتح
تسكت ومتكـــول حيره.. والله حيـــــــره
وكــون بيت يصيـــر كلبي.. حتى ألّمـــن كل فقير
وابكـــرامه يعيش بيه
وعمـــره مو ذله يصيـــر
وكون أصيــــرن أنه... جـــن مثـــل الوطـــن
للفتـــح عينه بحياتـــه
ولكَـــه روحــه بلا وطــــن
حتـــى ميحس بغــربتـــه
حتى مـــا تنزل دمعتـــه
حتى يبقى يعيش فرحـــه
وتارسه العالم ضحكتــه
كـــون أصيرن ميل يفتــــر بالعكس
حتى يرجـــع كلشي فات
حتى يرجــع كلشي مات
حتى ترجعله ضحكتـــه
كلمن مفــارك حبيبـــه
وبقه عايش ذكـــريات
واجه صوت الواقـــع وفزز صفنتــــي
وعلـى خـــدي بدت تنـــزل...
كـــون.. مـــو كَطره دمعتــــي
بس وعيـــت..وبــاوعت للـــزمن كَتله
لا تخاف... تره كــل هذا الحجيتـــه
بس مجـــرد أمنيــــات
بس مجـــرد أمنيــــات ..
ومو حـــرام الامنيــــات ..
رد مع اقتباس
المشاركة الأصلية كتبت بواسطة فقدان الامل
