مرحباً شلونكم درر شأخباركم ؟ بما أنّي شبعت بواري هالسنة لا تعيين بكلية أو دائرة حكومية ولا عمل بكلية أهلية أو شركة، أعصابي انشدّت وروحي هسة طافرة للبنكة[هم زين الدنيا باردة والبنكة مطفية حتى روحي متنطخ بيهة
]
حبيت أكتب كلام شوية أخبث بيه وما دام عائلتي ما موجودين هسة فأنتو البركة بيكم عائلتي الثانية.
المراقب اذا نادوه أكثر من مرة .. يجاوب على الأولى ويرسل الباقي لقسم المواضيع المكررة
شنو الشي اللي يحبه العضو ؟ أكيد تقييم خصوصاً اذا كان دسم من صاحب صلاحية عالية.
سؤال: شنو الشيء اللي يفتش عنه صاحب الصلاحية (يعني مشرف أو مراقب أو نائب) اذا دخل للموضوع؟ الجواب أكيد موضوع مشابه له حتى يحذفه.
مدير عام لأحد المنتديات ذهب إلى إحدى الدوائر الحكومية لإكمال معاملة ، دخل على السكرتير وقال له (أريد مقابلة مدير عام الدائرة) سأله السكرتير (مَن تكون حضرتك) أجابه (أنا المدير العام فُلان) ، فعلاً أدخله السكرتير ورحب مدير عام الدائرة به وطلب له الشاي ، ثُمَّ سألهُ (مدير عام أي دائرة حضرتك) فأجابهُ (أنا بكل فخر مدير عام منتدى على شبكة الأنترنت) ....... يكلّك الناس كلهم مشت معاملاتهم الّا صاحبنا صار سنتين واكفةالله يستر بس لا آني هم
عضو بمنتدى راد يخطب عضوة وياه، طلبت مهر 2000 تقييم و1000 رد على مواضيعها و500 همسة و250 رسائل زوار وخاصة
نائبة في أحد المنتديات تشتغل مدرّسة كالت للطلّاب (اللي يسوي هوسة أحظره يومين) [الله يسترني من هاية]
سؤال: شنو أغرب طلب ممكن يطلبه العضو من مدير المنتدى؟ الجواب يخلّيه مشرف منتدى المواضيع المكررة والمحذوفة.
نائب في منتدى يعمل معلّم كال لتلاميذه (الشاطر منكم أنطيه اشراف عندي بالمنتدى)
أثبتت الدراسات التي أجراها الباحث الروسي جاسموف خلفوفسكي أن زواج الأعضاء من عضوات معهم بالمنتدى يكون مصحوباً بمشاكل مستمرة بسبب التنافس الشديد بين الزوجين على نشر المواضيع والتقييمات.
مدير منتدى رشح نفسه للانتخابات البرلمانية كان برنامجه الانتخابي كالتالي: 1. توزيع تقييمات ببلاش على المواطنين 2. لكل مواطن حصة شهرية 50 مشاركة و10 مواضيع 3. ترقية جميع الناس الى رتبة أهل الدار حتى محد يكول ما عندي دار أسكن بيه.
عضو مرته دوخته كام غلق الهمسات ورسائل الزوار والخاصة حتى يخلص من دوختها.
سؤال: شنو الطلب الخبيث اللي ممكن يطلبه عضو من الآخرين؟ الجواب ثلاث أشياء: 1 طلب من عضو تقييم يزيد عن صلاحيته (مثلاً يطلب من أهل الدار تقييم أبو 3 نقاط) 2. طلب من عضو تقييم أدنى من صلاحيته (مثلاً يطلب من مشرف تقييم أبو نقطتين) 3. والخباثة المضبوطة من تطلب تقييم كسري مثلاً نقطتين ونصف أو نصف نقطة ! هاي شلون نسويها يعني نلزم سجّينة ونكطع بيهة النقطة شنو لفة فلافل ؟!
ما الشيء الذي يزعج العضو؟ عندما يحذف موضوعه ؟ وما الأكثر ازعاجاً منه؟ حينما ينشر موضوع ولا يجد له مشاهدات أو ردود أو تقييمات؟ وما الأكثر ازعاجاً من ذلك؟ عندما يجد لموضوعه مشاهدين كثيرين وربما زوار لكن لا يجد رد ولا تقييم ، يعني بالفونت العريض الأعضاء يغلسون على صاحبهم
-------------------
هذا كلشي عندي أتمنى يعجبكم وأهم شي تكتبون ردود ومتغلسون عالتقييم.
{ملاحظة للإدارة الحق في تعديل هذا الموضوع أو حذفه وشمره الى المواضيع المكررة ان كان مخالفاً للقانون ، بس ما محلل ولا موهوب اللي يحذفه ومينطيني تقييم أدعي عليه بالصلاة تطير صلاحياته ههههههههههه}
رد مع اقتباس
المشاركة الأصلية كتبت بواسطة Murtadha AL-hilfy
هههههه
