قصیدة مربعة علی وزن الهجری ایضا فی مدح الامام علی(ع)
يا علي احروفک قضـــــــيّه و ما يفســــــــــرها الــــــــقلم
يا قلم لـــــــلدين چفــــــــــــک رفع چـــــــم رايـــه وعــــلم
چم علم بيـــــــدک رفــــــــعته وشــــــــــــــيّدت رکن الشرع
واصبـحت أصـــل الــــــديانه وغلـــط مـــــن گال الـــــفرع
ياللي چفّک من قداســـــــــه ابچف محــــــمّد مرتــــــــفع
يا عـــــــزم الله ورســـــــوله الســـــــجدت اگبـــــاله الاُمـم
يا عـــلي وبســـمک يسـدها اتحنّت اچـــــفوف القــــصيد
وعزفــــــت اوتارالمـــعاني ونظّــمت هوســـــــــةالعــيد
وياسعدحظّـــــه اليـــــودک تهــتف اصــــوات النّـــــشيد
يامن ابســـــــابع ســــماها وجهــــــک الزاهي انرســــم
ياعــــلي وعـــــلّاک ربّـک چيـــــــــف تـــعلاک الــــلئـام
وانته بس انته الصـميده والإمام انـــــــته الإمـــــــام
وانته بس انته الـکرامه والســــــــلام انته الـــــسلام
ونورک اتخــــلّديحـــــيدر عيـــب گدلحــــــظه انــــعدم
وچم علم لــــــلدين چفک رفـــــــع يالچـــــفک نـضال
ويالسحگت اعله المــــنايه وعجّبــــت عزم الــــــــرجال
ويا بطلها الما تهـــــمّک بالـــــوغه اسيوف الابطال
ويا سبع چم ســــبع چفّـک رغّم الأنـــــــفه وهشـــــــم
چم سبع يمرح تــــــــعنّـــه الـــــــحدّک ايجر بالنّـفس
ومن سمع بســــمک تکردس رجع محـني ومخـــــتلس
وتظل باچرها ابصـــمودک مــثل ما چــــــنت ابأمــس
وصرّح التــــــــــاريخ لحنه ابحبّک الـــــذل انــــــرجم
إنرجم ذلها ابمــــــــحبتک وانرجم هـــــام الـــــــکفر
وانته ثبّت الشـــــــــــريعه ابصــــــارم اليـــــمطر گدُر
وانته گمت اتگل صبرها ابحلـــم يا صبر الـــــــصبر
وانته علّمت الکــــــــلافه اتجابــــــل ازنـــود العزم
وانته علّمت الکـــــــلافه وعنـــــدک افـنون الــــحرب
والدنه احدودک تــلـفـّــه اعبـــــــاية الذل والرعب
وين مرحب وين گومـــه الچانـــــت اتـــــريد الغلُب
ومن صرخ بيها المحتّم سورهـا العـــــــالي اِنهِدِم
الشاعرملاغلام ابومحمد
رد مع اقتباس
المشاركة الأصلية كتبت بواسطة Eng.Noor
