الوحشه بعيوني
مثل مغرب يتامه
وياشتل بالروح يكبر ياشتل....
وانه اعرفلهه واعرف منين اجيت
خيط يحضن خيط ويصير الحبل...
وهواي مارادو ضحكتي
هواي فرحولي بدمعتي
هواي عافوني نفس بس ماحجيت
الدنيا وي الزين ماتمشي عدل...
لروحي مافارغ ادوخ راسي ليش
طﻻبة المكتول تنفض بكتل..
اليريد يبيعني
يحب الخساره
ومايعرف النار بس الثوبه شب..
وبالمحطات الهوى شابع عتب..
ومايتعب بالوداع المو عزيز
التمشي وياه روحي يترسني تعب..
هـآك ألـطيف ألـبعيني
وخـذ كـل بـآب مـآغنه بـتصآويرك
عيش وموت بآچر مآيظل غيرك
الغيظ سكة.. والعتب ريل
والصنطة جواب اخرس
بحلك مجروح بمواويل الليل
تسعل قهرها.. وتمسح دمع طيف
حاضن بحشاه حر الف صيف
وَيَا حيف.. حيف
غوشت سمه محبين..
بسواد الكحل .
مصبوبه گطراته ..
ياحيف الوكت أيتيّه ضحكة سنه
وياحيف البشر ينسه خله.
ماضل حيل يتبده بتوالي الشوف .
وماضل واهس النگضيه .. بآآه واووف
مكتوب العمر مرهون ..
بيد المامش وحدر جزاه الخووف
يلمصاحب بعمرك ظيم ..
يتعنه بسواليفه الك ملهوف
يواهس....
لاتلم ليلك..
أنه ابزحمة اجروحي...
وصفنتي امفرعه...
وحق امـــي وغلات ..فلان ...
من باجر اشيل بجفي ميزان
وانطي لكل بشر مقياسه مظبوط
وانسى شلون جنت وياكم انسانِ
نيتك تبتعد ..
حسبالي بعدوك
دمعك ، والعتب ، والخوف ، حجه ...!
عُمري بغيبتك
باقيلة مشوارين
للدكتور مرة ومرة للدفان
وخايف من أموت يهز ادينه الدود
الهجر خلاني ثوب وذكريات انسان
چنت أظنك
تـوگف بوجه الوكت
وأتنشف الدمعة أبجفنهه
و چـنت أظنك بالمحبة
الفاگدة و حنت لأبنهه
وينشدني صديجي ..المانشد عني
كـَـبل طبعك الونــٌـه ..وصاير اتغني؟
كـَبل عينك محطه .. وخاطرك مكسور
هسه اعله الثجاله.. اتفوت متحني؟
واجيبه ابكل برود .. وعودِتي ابسـنـُي
استراحت مستحاتي .. وعاكستني الريح
لاني من الهموم . ولاالهم مني
أنا ابن العاصيات .. من الليالي السود
لاريد الكـَـماري .. ولهن يردنـّي
