شمدريني
العشك لوفاض
لازم حار
مثل الجاي
اذا مو نار مايخدر
الكمر مجبور مو بطران
صار سنين عاشك كاع
باقي عليها بس يفتر
شمدريني
العشك لوفاض
لازم حار
مثل الجاي
اذا مو نار مايخدر
الكمر مجبور مو بطران
صار سنين عاشك كاع
باقي عليها بس يفتر
المشاركة الأصلية كتبت بواسطة غسق الليل
العين تحله شما ثخن حجي النكاب
الكمره كمره شما شمع غنالها
وسولف شماسولفت فات الحصاد
ترخص الدمعه التشوف خيالها
نورتي غسق الليل
خلصتهن ورقة ورقة وما قريت
ورددت اخر رسالة
البيها من كتلك تعال وما اجيت
ليش ما اجيت وشفتني
اكسر الخاطر
ادور على الصبح بيبانة مسدودة لكيت
ليش ما جيت وشفتني
بس قميصي مطرك
ويشرب جكاير كاعد بعتبت البيت
وما اصدك تجي وتشوفك العين
وهم يمر علي يوم والاكيك
لو صح البالي وجيت يا زين
يضيع لساني مني وبيش احاجيك
اصيرن عين كلي بطرك جفنين
واحير بيا جفن منهن اخليك
علي سوي فضل يالجيتك دين
تعال وداعتك بعيوني اخليك
اتانيك ولهفتي تسابك العين
وادري ما تجي بس انة اتانيك
تمنيتك عمر وينة التمني
ولكيتك بالتعب بس خاب ضني
بعد ماعودتني بشوفك ارتاح
تريد تروح يا ريحت التفاح
يسويهة البخت وتروح مني
انا من اشتاك ما احمل الفركة
اصيرن نار حتى الماي احركة
تذوب الروح اطيحن وركة وركة
واريد التم ولا مكطوع جني
يسويهة البخت وتروح مني
مو كلمن يكض النــــــاي عنده احساس
ولا كلمن يسولف عالعشــگ عاشــــگ
اكو بيهم يكض الناي مـخنـــــــــــوگ
وكو بيهم تمركص من عزف عاشــــــگ
عرفتك من گمت تتمرگص اعله النـــاي
عشگك عشـگ قيس وجـــــرح ماظايـگ
فرق بين التمرگص وي ونيـن النـــــاي
وفرق بين البصدره ونـــــة امفــــار ك
هيه .... آه ....
نعم حرفين ونفس كلش طويل
وما يحسها الما عرف بيه أشجره
هيه حسره وياي من أول صباي
تدري من تطلع تشگلي الحنجره
آني أگولن زين لليسأل أكيد
نعم بس تنگال مو أكثر تره
لگيـنه الدنيـا مو منّه ولا مـنّها ولا بيها الـ يغنينه
ولا بيها الـ عرفنّه منين من يا طين
ونحط روحـنه بـطينـه
ولا بيـها الـ قرانه منين
من يا ااخ واندل كل بواچينه
ولاضـل طيف يسـوّه رموشـنه تشبگـه
ولا ضــل باب يســوّه چفـوفنـه تدگـه
يروحي الناس كلمن عايش لـروحــه
يروحي الـ ينلچم يتعوّد جروحـه
هيه حسره وياي من أول صباي
تدري من تطلع تشگلي الحنجره
آني أگولن زين لليسأل أكيد
نعم بس تنگال مو أكثر تره
هيه حسره وياي من أول صباي
تدري من تطلع تشگلي الحنجره
آني أگولن زين لليسأل أكيد
نعم بس تنگال مو أكثر تره
بلچي بأطلال الليالي الگالي فرحه .
حتى اطشهه اباب گلبي وانذر لوجه الله ضحكه
وحالي حال الناس ألمن ..
شو التمن ..
رخصان سعر الوفه
وسعر الغدر غالي
ولمن طحت جربت
وكفتلي وادم كبل ماجانت ابالي
يا بو خناجر ذهب
ما اسوة هالكد طعن
ان نكَصّت وان زدت
دمي اعله كد حالي
يگلولك عليمن انت ليش تضوج
شنو بالدنيا يسوى حتى تتحسر
ماضايج ابد ع الدنيا لا والله
بس حسرة البگلبي شلون تتفسر
تشيل اروع گلب تنطي لاعز انسان
بيده يكسره ويگلك تره تكّسر
مو حقك اذا متنام طول الليل ،
ومو حقك اذا حد الصبح تسهر
اذا ع الكسر سهله نسوي تجبير
وجذب كسر القلب ماظنه يتجبر