صحت يا فضه حلم لو يقضه
علي بوجوده بوجوده ينصاب ضلعي
يحامي ادخيلك طحت و اشكيلك
عجب يالوالي يالوالي
هجوم و نار يحامي الجار
حلم لو يقضه حلم لو يقضه
اهات اهات صارت بالقلب حسرة هضيمة
اثار اثار تارك ع الوجن دمع اليتيمة
بحماك بحماك انذل ياعلي و اشرف كريمة
و اشلون واشلون سيفك ما گطع چف الجريمة
امر تفسيره جعلني بحيرة
علي بياحله يا حاله من شاف دمعي
صحت يا حيدر سمعته تحسر
زعل فقاره فقارة من شاف دمعي
صبر ما صار يا حامي الجار
والله والله ادري يا علي يجرحك عتابي
وياك وياك عشت مأمنه و ضلك حجابي
لو چان لو چان تكسر خاطرك دمعت مصابي
مكسور مكسور ضلعي وقلبي وشدة عذابي
بغدر عصروني ابحقد شتموني
چنت مرعوبه مرعوبه وتشوف وضعي
لونك تدري تهشم صدري
ردت تدركني تدركني و تشوف وضعي
ابقلب محتار يحامي الجار
ما زال ما زال يشهدلك اثر باب الدحيته
انخاك انخاك يالغيرك فلا واحد نخيته
برجاك برجاك چفك يمسح الدمع البچيته
مچتوف مچتوف من شفتك كسر ضلعي نسيته
رحت من يمي عفتني بهمي
شطت بصوابي بصوابي للمسجد اسعي
اتركو الغالي ارحمو بحالي
بألم شافوني شافوني للمسجد اسعي
وصي المختار يحامي الجار
ناديت ناديت خلو عن علي وحنوا اعلى حالي
يا ناس يا ناس ما يكفي الذي منكم جرالي
صديت صديت لن قنفذ غضب كله اعتنالي
يا حيف ياحيف بالسطرة اعلى خدي يرد سؤالي
صحت عوفوني يالتعرفوني
انا الصديقة الصديقة و إعليكم ادعي
اناجي الباري إبدموع انضاري
اون و اشكيله و اشكيله و اعليكم ادعي
ولتنه اشرار يحامي الجار
رديت رديت وبحسرة هظم يسعر جمرها
بالبيت بالبيت بس طفلة بسنة خامس عمرها
و بخوف وبخوف شبگتني و بدت قصة صبرها
وتصيح و تصيح عينچ يمه يا ظالم سطرها
عليه الاصعب مصيبة زينب
اجت مذعورة مذعورة و اسمعها تنعي
تهيج اجروحي وريثة نوحي
افز من نومي من نومي و اسمعها تنعي
بدمع مدرار يحامي الجار
رجواي رجواي وينك يا علي حامي الحمية
وياك وياك اخر ساعة و تحل المنية
توديع توديع بيني و بينك و عندي وصيه
ما ريد ما ريد يدرون الحسن وحسين اخيه
افكر بيهم و اخاف اعليهم
و أگول اولادي اولادي ايعرفون طبعي
انا الربيهم عطف غذيتهم
ربوا بأحضاني بأحضاني ايعرفون طبعي
هداة اطهار يحامي الجار
بالليل بالليل نعشي لمرقدي لمن تشيعه
و اعليك واعليك خوفي يا علي ضبرك تودعه
لو چان لو چان صوت من الگبر يجرح تسمعه
يحسين يحسين لازم بس عليك الناعي ينعه
ذبيح و ضامي صريع و دامي
نعي خدامه خدامه يالزهرة سمعي
فلا ينسوه دمه يبچونه
لطم لمصابه لمصابه يالزهرة سمعي
ونصيح الثار يا حامي الجار
كلمات : السيد سعيد الصافي الرميثي .
اداء : الملـا باسم الكربلائي .
قرأت بحسينية داود العاشور في الليالي الفاطمية على الرواية الثانية جماد الـأول ١٤٣٨ هـ .
رد مع اقتباس
المشاركة الأصلية كتبت بواسطة حلاوة الايمان
