هنا

[سارهـ الطائي]

عشگ تفگة ♥



انه ابني ال عله الساتر
عشگ تفگه وعلي يكيف لمحاچيها

تلبد ماتضل ازلام لو خرخــش تراچيــها
انه وليدي فعايل
موش بس هوسه
من ينجر حجاب ابني
يصير الچفن ملبوسه

انه ابني!
صدگ ابني
ادگ وعلي شو مارد!؟
-الو
-الو حجيه ابنچ سبع واستشهد
-شنو شتگول!؟
-ابنچ من وگع يضحك
علگ عباس بيده نشد
-يمه اسم الله
طاري الموت خله بعيد
شلون ؟
شلون مكيفه عرسه بثاني
يوم العيد
-يمه وهسه وينه ابني؟
دحط سماعتك
بأذنه اريد يهيس الحرگه
-الوووو
الو يمه
شبلاك تصير مگفه وداع
وانه استاهدك ملگه

يبزر گليبي خم ريتي
وشالة نِفس ماتلگـــه

تعال
وطش
ضحك سنك على عيوني
وجر الليل لتسرسح
على متوني
يگمره
وطشر الوحشه
الچفت لونــي
زغير انته ييمه اش شفت
من عمرك

توجع چلمة التفگه
وحچت چم
سالفه بصدرك
والچيلات بعد امك
خذت چم وذره من كترك

ناوشني
كتر من چفنك الباهت
اصرن بي نعاويي
يزغيرون لاتستاحش
بگبــرك
يبون
لون
الحلو
شبدل بياضك دم
يالمطشر
وذر بالگاع
ماتنلــم
ردت بجنازتي
اعله امتونك اتشيم
اللهي
اللهي صبر من زينب
دحط بيه
اوصل الزيج
لجدامي
لَمَن ينجاب طاريه
يربي دعيت
سبع سنين
يالله بحضني حطيته
يربي امهلني
مالحگت احضنه
ولاشتميته
شماله الموت مستعجل؟
اريد بحضني
احط راسه
وانعيلـــه
واريد افرش
عباتي بگبره
لو حطوه واتچيله
يهلبت
من ونيني يفز
يرد للبيت
بلكي وياي
من يستورح
الشيله



نور السامرائي ❤️

[تشيللو]

الله حلووو

[رضـــا]

الله عاشت ايدج
شعر حلو
شكراا ع المجهود

[ارجع يازمان]

رررروعه

[سارهـ الطائي]

الف هلا
انرتم غوالي