سارة



من گلب صادق دفنته
من عرفت الناس شَكّت في قراره
أبعث أول كلمه من آخر قصيده ...لگلب حتى
چنتي بعيوني ملاك بأحلى صوره
وشمعه ما ينمل ضواهه
چنتي ورده جوري يسحرني عطرهه
ذبلت الورده شجاهه
چنت أشوفنچ گلب طفله أنعصم من الذنوب
بشفتچ الضحكه شحلاهه
ومن نسولــــــــــف چَني أحِسّن كل ملائِكة السمه تردد حچينه
ولو مشينه نشوف چم طير أنجمع قلّد مشينة
سارة يا حوّاء ذاتچ چنت أدور عنچ أبحث بل جنان
دورت في كل مكان
ولأن چنت بجنه وانتي
من عصيتيني نزلتي أعله الأرض
اكلت من زقوم دهري......حتى أنزل للأرض
سارة يامن طولچ يحّير خطوط الطول وخطوط العرض
چنت أغار من الشوارع
چي تبوس اجدامچ الحره الطرية
وچنت أشوفن اسمچ يمر بخيالي
بكل صباح وكل مسية
أنتي ذبلتي ألورد من بعد طوله
أنتي خليتي العواذل تحچي بلسان الشماته
وتلفظ المحد يگوله
وهاي آخر فرصه عندچ من فصل آخر حكايه
لو نخلّي القصه حلوه لو نشك فصل الرواية
.......................
الدهر بس عسر ماشايف يساره
وكلبي ماحظه بموقف يسره
اموت وامنيه عندي يساره
نموت وگبر يجمعنه سويه


الشاعر سيف العبادي