هنا

[الصديق]

مبادرة رائعة منك أخ سامر بالتوفيق لك واللأخوة ألاعزاء

[Samer]

اوكي اوكي .. بالخدمة تدللون كلكم ..

بس مثل ما كتبت بالموضوع .. اني اريد من العضو الطالب (صورة + رابط صوت + كلمات (إذا يحب) ) يكتبهن هنا بالموضوع هذا على شكل رد

الملاحظة هنا .. أنه قضية التصميم مال التوقيع بالفلاش .. ما تاخذ وقت هواي إذا عندي المواد الاولية .. بس الصعوبة .. و كل الصعوبة و اللي تستنزف الوقت .. هو باختيار المواد الاولية (الصورة + الصوت+ .... إلخ) .. اللي لازم تكون لائقة و مطابقة للقوانين و تعجب الذوق العام و طبعا العضو طالب التوقيع ..لذلك .. أطلب منكم تختصرون (علي و على بقية المصممين) الطريق .. و تنطوني المواد الاولية هذه .. علمود يتوزع الجهد .. و ما تاخذ العملية من وكتنا هواي ..

و بعدين .. توقيعك .. هو ذوقك .. اكيد مو ذوقي اني .... لازم تكون بيه لمستك .. اني (و بقية خبراء الفلاش) مجرد نعكس لمستك بالتوقيع

هههههههههههههههههه
يلة سويهة بلة خل اشوف شغلك
الموسيقة اكتب بالكوكل موسيقى الرحيل
وخليلي اياهة وخلي اشوف ابداعك
اذا ماعجبني تخسر لفة فلافل
هههههههههههههههه
شتكووووووووووووووووول

سنو راح ادور عليها .. بس لو تسهلين علي و تنطيني الرابط مال الموسيقى و تدللي .. تر اسويه بدون موسيقى خخخ

شكراا سامر على العرض واحنة بالخدمة لاي عضو يطلب توقيع

مشكورة دالين عل مساندة .. انتي الفضل الج بصناعة العديد من التواقيع الجميلة للاعضاء و دورج راح يكون اقوى من دوري بهذا الموضوع

مشكوور سمسم
فكرة حلووة

مرورج الاحلى فراشة الربيع

اي هذا الجنت منتظرة من زمااااااااااااااااااان ....وين جنت خوية
يلة شوفنة شغلك اريد توقيع مو طبيعي وعلى ذوقك ....
مو شرط الا انت ؟؟؟اي واحد من المصممين المبدعين بمنتدانا واكون ممنون
تحياتي

تدلل دكتورنا الورد .. اني بالخدمة .. بس اني صحيح افتهم بالفنيات .. بس ذوقي مو شي .. اريد منك صورة و رابط صوت (او رابط يوتيوب اطلع منه الصوت) و وصف لتوقيعك إذا تحب و بالخدمة اني .. بس اكتبهن هنا و بسيطة

ايه الحلاوه دى ياسمسم
ايه المواضيع النار دى
بس كفايا عليك كدا
بفكر اقيمك

ههههههههه .. لا تقيمين .. هسة اني شسويت قابل .. بعدنا بسم الله

الحلاوة بمرورك طبعا

يلا .. إنتي هم حضري الروابط .. علمود نشتغل توقيعج

مشكور سامر على هذه المبادرة الحلوة منك ونتة كلك مبادرت ترة اخوك بلية توقيع من اجة او ليهسة اريد توقيع على ذوقك بس مو مال مراهقين هههههههههههههه تقييمي

تدلل سيد .. و ابد ماكو داعي للتقييم

اني توقيع على ذوقي حقيقة صعبة علي جدا.. اريد منك تنطيني صورة و صوت (على شكل روابط) .. و كلمات عل توقيع إذا تريد .. .. و اني ارتبهن إلك .. و بيك خير و تدلل





&&&&&&&&&&&&&&&&&&&&&&&

أعزائنا ...... سهلوا المهمة علينا .. و احنه بالخدمة .. بالنهاية ما نريد واحد يبقى ما عنده توقيع فلاشي .. ..حتى اللي ما عنده هم نروحله نكلله تعال نسويلك توقيع .. و إن شاء الله خلال شهر مخلصيكم خخخخخ.. و تدللو


تحياتي

[spyman]

شكرا اوراكل على مجهودك

[علي الواسطي]

شكرا سامر ع المبادرة واتمنى ان اكون اول شخص يحصل على التوقيع ...
وبما انه اني مشجع برشلوني احب تسويلي توقيع يخص نادي برشلونة وهاي بعض الصور للتوقيع



















يللة خلي نشوف شطارتك

[EvAnEsCeNcE]

أحم أحم ههههه اني لكيت خوش توقيع وحلو
بس اريد اسمي ينكتب عليه وبخط رفيع ولون وردي
يناسب الصوره وينكتب عاليمين وبالطول
وتبقى متحركة الصورة مثل ما هي بس اسمي ينضاف
الي يعرف خل يسوي الي

[Samer]

علي الواسطي .. هاي هية خلص .. بس بحالتك .. الصوت عندي موجود .. .. إن شاء الله راح تشوفه على هذه الصفحة قريبا

ايفان .. وين الصورة ؟؟ يلا نزليها

[EvAnEsCeNcE]

هاية الصورة مسيو واريدة عاليمين الاسم وبالطول
وخط رفيع ولون وردي مثل الكتابة الي بالتوقيع
والحركة اذا اكو مثلها وتبقى حركة التوقيع مثلها
متتغير
تحياتي

[Samer]

هاية الصورة مسيو واريدة عاليمين الاسم وبالطول
وخط رفيع ولون وردي مثل الكتابة الي بالتوقيع
والحركة اذا اكو مثلها وتبقى حركة التوقيع مثلها
متتغير
تحياتي

اوكي تدللي .. هسة اشوف شاسوي

[Samer]

علي الواسطي .. تفضل توقيعك حسب الصور اللي انطيتنياها .. و النشيد اللي دزيته إلي ..


http://www.dorar-aliraq.net/showthread.php?t=7577


هسة .. راح ابدي بتوقيع سنو .. .. و بعده ايفان ..


اللي يحب نسويله توقيع .. بس خللي ينطينا المواد الاولية مالته (صور .. صوت .. كلمات ) ..

تحياتي

[امير النحل]

مشكور أخ Oracle على هذا الموضوع الذي يتمناه الجميع

لكم رابط الصورة الاولى
http://imup.dorar-aliraq.net/images/1280727076_3.jpg

لكم رابط الصورة الثانية
http://imup.dorar-aliraq.net/images/1280759169_3.jpg

ولكم رابط الملف الصوتي

http://www.dorar-aliraq.net/ext/file...81045288_1.mp3

طلبي اليكم ان يكون الفلاش عبارة عن صورتين الاولى الرابط الاول والثانية الرابط الثاني وان يكون اسمي صغيرا في اسفل الصفحة اليمنى يظهر ويتلاشى او تختارون له ايفكت على ذوقكم وان لم تستطيعوا وضع صورتين فالرابط الاول هو المرجح والسلام عليكم ولكم الاجر بهذا العمل

اخوكم ابو الحسن

ملاحظة الى الاخ Oracle اني اجلس الآن على الجمر الى ان ياتيني العمل وانت تعلم كم يحرق الجمر واكرر سلامي اليكم واعتذر على اني امازحك .