((چـذابـة))
ماتنفع ادموعچ بعد
طول الدهر لو تبچين
چذابة؛ دمعچ مو ندم
دمع الندم يعمي العين
چنتي حلم بالنسبة اليّ
ثوب العفاف أتلبسين
وردة وشتلتچ بالكَلب
ماادري عوسج تصفين
طبعچ ملاك اتصورت
حب وحنان أتحملين
سعفة نخل طبعچ صفة
وية الرياح أتميلين
جَرَحني ياحيف الزمن
وأنتي بجروحي أتلعبين
جربتچ وخاب الأمل
كَمتي بغرورچ تمشين
ندمانه اجيتي أبلا خجل
برموشي جرحي أتشلين؟؟
سيفچ كَطع چفي امس
وشلون أسامح تردين؟؟
كَلبي الِخلِص بمحبتچ
ما يكَدر أيحب مرتين
كلشي انتهة من عشرتچ
دمعـة نـدم ما تسويـن
***************
رائع واكثر
تسلم الايادي
ربي يسلمكالمشاركة الأصلية كتبت بواسطة حشداوي دولة وعلم
نورت اخي
جميل ..
تقبلي مروري
حلووو
انتة الاجمل ...نورتجميل ..
تقبلي مروري
انتي الاحلا
رائع ^_^
الله الله
يسلمو قلب
ثانكيو
رد مع اقتباس