واعدت عينك ... الشاعر حسين العميدي
واعدت عينك
°°°°
°°°
°°
°
واعدت عينك الكلشي تشوفه خير
وانه زلمه وانكمش بحچايتي
انه ما اعرف الچذب ويه اليخون
شلون اخونك وانته غاية غايتي
خم سوالف حبنه تلگاهن بياض
والحچاية البيهه بيرغ مالتي
روحي رادت توگع بحلگ الرخيص
اتلاحگتها بصاية الله وصايتي
عمري ما ادور وجه اصفن عليه
عندي شاهد مو بعيد امرايتي
واني ماحبيت مثل الماله راي
ديَن وتنگط حَية مصلايتي
البس شماغين باوقات الدعاء
حتى افرع زين واطلب حاجتي
بوكت ما مختارك وانته الغريب
انه عايف كل خضار اولايتي
التحبة من الصغر ينعد عزيز
الرمل بالصحراء كاروك الجمال
شجابني البنت الحلال اخذها ليش
وانه اعرفچ ما اعرف بنت الحلال
علگوا اشموع العرس والدنيا ليل
حُمر ومبينات ذيچ شموعها
مثل ما سال الشمع من الشموع
هيچ سالن على البدلة دموعها
گبعوها وراحت الواحد غريب
جاهل وما يفتهم موضوعها
الدنيا تصغر والهوة يصبح قليل
من يمد ايدة ويجيس ضلوعها
ها عگلي شو مخبوص واسمع ضجيجة
بس لا ذكرت رسوم وجه العتيچة
°
°°
°°°
°°°°
حسين العميدي
رد مع اقتباس
المشاركة الأصلية كتبت بواسطة نانسي
