لا يسره لا يمناك والسهم بـــــــــالعين
خبرني شنهي الصاار يعضيد الحسين
تنشدني عن يسراي جـــا وين اليمين
لو طاحن اعله الكـــــاع يتلكن حسين
السلام على قطيع الكفين والسهم بالعين ابا الفضل العباس عليه السلام
عن العباس في ساحه الطف
ابو فاضل بطف حسين........ كفه
جاد بعين جاد النوب........ كفه
ميزان الفضل مامال........ كفه
لان جفين عباس التجيه
العباس عن مصيبه سيده الزهراء(ع)
عباس الفضل كله ........ وجوده
وحسين السبط عليه........ وجوده
سهم الصوب اعيونه........ وجوده
كسر ضلعين للزهره الزجيه
عن العباس عن سيده زينب(ع)
الوكت دمعات زينب........ مستحلهه
وجيش الحزن بالطف........ مستحلهه
لا تظن عباس يرجع........مستحل الهه
وبلايه الجود وجفوفه دميه
اصوات الحرب قرعة طبلها
لأن عباس بالحـــومة طبلها
بس هو نوصف سيفه طبلها
يداوي الملتزم بفعال امية
...................................
المنايا تحوم بالحومة علمها
وهو بجفه يهز واكف علمها
الرجال بذعر مصيوبه علمها
تشوف الموت حل بهل مسية
...................................
