انسى ، و تبرد ثيابي
انسى ، و تبرد ثيابي ،
انسى
و كل ندة يشبهك يدگ بابي
و امشي ،
و توبتي ذنوبي ، و امشي و موتتي عتابي
و الم چم ( ليش ؟ ) و ابچيهن
ليش الما مشة عيونك عثر بيهن ؟
و ليش الما حچه سنينك ، يحاچيهن ؟
و ليش بكل سماي جناح ، يصعد و الحزن يصعد
و ليش بكل صبح للماي ،
ابحر و الشراع اسـود ؟
و انت الناسي ، و طيوفك و لا تنسى و لا تبرد !
و انت لكل علگ نسيان روحك من وكت تنشد
انسى و كل نهر يمي ،
تشب منة الرسايل فوگ ، تطفح ترگص على الخد
و امشي ، و دمعتي برمشي
طفل يتمرجح اعلة السد .
صفاء الجبوري
رد مع اقتباس
