مو كلمن تضيعه ادور اعـــليه
ولا كلمن يدورك راح يلـــكَاك
يصح وياك لكن عـنك بـــعيد
ويصح بعيد عـنك لكن ويــاك
ينطوني واكَلهم يـابه مـــــاريد
ورغم متريد اكَـلك ياترف هــاك
الــمنّا نــعم انــــدلهم شـــــبيك
روحي تــريدك انت وانت مــناك
بــسّك لاتــمثل دور الاخــــــوان
مــن الله خلقني واني اهـــــواك
احـــبك حيل احبك حــد الجــنون
صوتي الماوصل سـمعك تــــعدّاك
يمسيني بــغيابك حزن الـــغروب
واصيحن بلكي ربي بخير مــساك
طـــفله الروح ويـــنك يــــالدللـول
اذا مابــيك تــرجع ودي لـــــوّاك
اضم خــيال طيفك واشـــــبكَ الآه
والوذ بفي دموعي وحــسرة غــطاك
انـــا البيه لــغيابك كل الـــــهموم
ولا بيه حبيبي واكَـــدر انـــساك
هذن بصمات اديـــك بــخد المـتون
وعله اشفافي بعدها حــرورة اشــفاك
......
بقلم الصديقه العزيزه ليل التجافي
رد مع اقتباس
المشاركة الأصلية كتبت بواسطة Eng.Noor
