السلام عليكم كيف حالكماليوم حبيت احجيلكم عن جزء من طفولتي واني زغيره
فد يوم من الايام جان اخويه عنده علبة مال مبيد حشرات
فأنا اني كنت دا العب ويا صديقاتي وأصدقائي
أجه اخويه الصغير خمط العلبة من اخويه الخ
ورشه بوجهي فأني گمت اصيحو أبجي ورحت إلى أمي اشتكيت الها على اخويه الزغير
بهذي اللحظه اخويه الجبير سمع كلشي گلته إلى امي
فاگلي خلص معناها انتِ راح اتموتين بسبب المبيد وكله هيج گلتلي خلص دعاوي رحتي بيها مابقى شي وتموتين
اني طبعآ صدگت وگمت ابجي وحتى ماتغديت وصعد لسطح
وقررت أكتب وصيتي قبل ماااموتوجانت حالتي حاله اكتب والدموع على الورقة فكتبت لصديقتي المقربة نور الوصيه حبيبتي نور اني احبج والله وراح اموت بعد ماااموت ا لاتنسين أن تقرئي لي الفاتحة
وحطيت الوصيه وفوگاهه بالشمس گعدت
ضليت مغمضه وبس انتظر إلى أن متت من الحر گلت يبوه شطلعت لحد هسا ممتتوبعدين ضجت كلش وقررت اروح گلت جذب اني مااأموت ونسيت امزگ الوصيه
ولأن ببوو يقرها ويقرر يگول لأهلي اني تخيلت گلت هسا اصير نكته إذا عرفوا اهلي فضليت احجي وياه بلكي يقبل ينطيني الوصيه ههه اقصد الورقة وبلگوه كن الله هداه إنطاني ياه وعدني ميگول لأحد
وصدگ مگال لأحد حتى هسا هو يمكن نساها للسالفه
وخلصت القصة
رد مع اقتباس
المشاركة الأصلية كتبت بواسطة яøše"
