مرة كتبت موضوع كامل عن المطلقة ^-^ هسة اجيبة واعتبري رد لسؤالج
مرة كتبت موضوع كامل عن المطلقة ^-^ هسة اجيبة واعتبري رد لسؤالج
http://dorar.at/t/626252
مـُطَلقة
إبراهيم هاشم _الأرُدن
مطلقة .. مطلقة .. مطلقة ..
عبالك مسبة مو ؟ من تقراها تحسها مسبة ؟ عبالك شي غلط ؟ فد عيب معين ..
زين ليش من احد يحجيلك ع انسانة مطلقة .. يگلك :
هاي مطلقة، بس خوش انسانة .. محترمة يعني .. ملاحظين هالشي ؟
لهالدرجة ؟ يعني لازم تبري ذمتها لمجرد انك ذكرت انها مطلقة ؟
شو من تعرف احد ع وحدة عازبة .. متگله هاي ممتزوجة بعدها .. بس محترمة ..
لهالدرجة هالكلمة بشعة ؟ لهالدرجة صارت حالة اجتماعية طبيعية، وصحية ايضاً، وموجودة بكل المجتمعات ايضاً، صارت هاي الحالة قذرة !
خل نحجي بصراحة و بدون خوف، ليش تستحون ؟ هالشي نحجي بي بحياتنا اليومية وية اصدقائنا بكل اريحية .. ليش هالنفاق .. خل نحجي بي كدام الكل !
خل نسولف بصراحة، تدرون المطلقة شكد تعاني ؟ لا متدرون ..
لأن الشباب انتهازيين، المطلقة فقدت ما يثبت انها باكر و هو الدليل الوحيد على وجود الشرف بهالمجتمع، وبعد الطلاق صار ماكو شي يثبت شرفها .. ومنطق مجتمعنا يگول : هاي المطلقة اصبحت عدها حرية كاملة بممارسة المحرمات ..
فصار الشك بشرفها كبير، و الدليل انه الانسانة الممتزوجة تكدر تعرف هي شريفة او لا من انها باكر ، بس المو مطلقة شون ..
رح تگلولي لا ماكو هيج حجي، الشرف مو هيج، وحتى الشاب الشرقي ميفكر بهالطريقة المبالغ بيها، خل افاجئكم، الشاب الشرقي اذا سألته حينكر، بس بينه وبين نفسه، عنده شك جبير بكل مطلقة، بدون اي استثناء ..
الشباب يكيفون عليها، يلعبون بمشاعرها، عسى ولعل يحالفهم الحظ وينالون غايتهم منها ، و ابسط شي معروف بين الشباب، واحد يروح يشوف صورة صاحبته لصديقه، صديقه يگله خرب يومك تموت .. يگله لك فوكاها مطلقة .. ذاك يگله بخت !!!! ... تونس !!
هاي هي المطلقة، ونسة .. الشاب يتونس بيها .. المجتمع يتونس بسمعتها ..
قليلين جداً الشباب اللي ممكن يفكرون يرتبطون بيها، واذا قرر يرتبط بمطلقة .. اول شخص حيكله اني اتبرا منك اذا تزوجتها هي امه !
الزواج لعنة بشعة بهالمجتمع، لتتسرعين و تكيفين عالخطوبة والزواج، لأنه ما ان تزوجتي .. انسي سالفة الطلاق، لو يموتج قهر ظلي ع ذمته .. و إلا تتعرضين للعنة اكبر .. وهي لعنة "المطلقة" ..
ارد اسأل سؤال لكل رجل، اذا اختك او بنتك تزوجت بواحد سيئ .. و اذاها .. مرح تساعدها تطلق منه ؟ حتتحمل يطلع روحها لبنتك ؟ يضربها يوميا ؟
اكيد حتخليها تطلك منه .. صارت شنو هسة ؟
مطلقة .. مطلقة .. مطلقة .. مطلقة .. خوما ضجت ؟
زين دقيقة ..
اختك مطلقة .. امك مطلقة .. و هسة ؟
شفت ؟ المطلقة ممكن تكون اي وحدة بهالمجتمع .. مو بس صاحبتك .. او صاحبة صديقك .. وانت تريد تصادق صديقتها المطلقة ايضاً ..
المطلقة ممكن تكون محترمة جداً، اختك مثلاً ..
الشغلة الاتعس، هي انه الناس لمن تعرف انه طليق هاي المطلقة كان خوش ادمي، رأساً حتفترض انه المطلقة سيئة الخلق ..
ليش ؟ لأنه احنا عدنا بهالمجتمع اي انفصال يصير بأي علاقة، معناها واحد منهم سيئ الخلق ..
احياناً المنفصلين، ثنينهم يكونون خوش اوادم، وينحطون عالجرح يطيب .. بس احزر شصار ..
متفاهموا !
اوكي ؟
غريب!
اعتبره تخلف..وعادات وتقاليد بعيدة كل البعد عن أخلاق وتعاليم دين الإسلام.. .ومن ابتعد عن الله لا يستحي ان يظلم البشر بقوانين صنعها هو من باب التفاخر بالانساب نجد مثل هاي الظواهر الاجتماعية التي أدت إلى فساده...اكول الله أكبر على هيج نماذج
بصراحة...والله العظيم كنت اتمنى امي مطلقة..احسن من اشوفها مظلومة بزواجها من ابي الذي لم يكن بمستواها الفكري والعقائدي...عانت ونحن عانينا بعدها من سكوتها..ومازلنا نعاني من عقد نفسية ..الله أكبر
المشاركة الأصلية كتبت بواسطة سورين
كلام جميل جدا
شكرا لمرورج ومشاركتج حبي سورين
نورتي
جدا
فعلا خيتي
الله يساعدكم حبيبتي والكثير هسة كاعد ديعانون مثل متعانين
بس شنسوي الله ع الظالم
نورتي قلبي
شكرا لمرورج
بصراحه تخلف وجهل ومجتمعنا الشرقي لايرحم المرأه لانه ينظر لها عوره
وأن دققت النظر والتمعن جيدا لوجدت هذا المجتمع كله عورات دون ان يشعر
.................
ماكو مطلقه أتزوجه
اكيد هو تخلف ومجتمعنا ينظر للمطلقة بنظرة محلوة
مع ان الطلاق شي عادي يعني هي لا اول ولا اخر وحدة تطلق
ههههههه ادورلك بلا
نورت الموضوع
رد مع اقتباس
