بالسانك اسمي شمالة من ينحچي





بالسانك إسمي إشماله من ينحچي
تسويني سچه و تسحگ و تبتسم

من تحچي بيه إلزم ضميرك عدل
الچلمه كلفه تصير من تنلزم

كوخ انت بعدك و آنه واحد قصر
كُف معوّلك و إرتاح ما أنهدم

الغيمه غيمه تصير من أنضنك
من أجري سكته وعيني من تنصدم

چم عين رادت مني تشبع نظر
بعيون غيري أتمرجل،، و أنحلم

ريشة عدوي برسمي يا ما حچت
و أتبختر أعله اعداي من أنرسم

وي ربعي صافي ومالي واهس دغش
و أتبده غيره و أبتشر للشهم

مغمس خبزتي بصافي لِب اللبن
و اعشگ الخبزه لربعي من تنثلم

صاحبت ليلي و ما گلتله إبتعد
چي لن أحسه إعليه سهر نجم

مو بير بس اندل السر الكلف
أسرارك تحبني هواي چي تنكتم

و مو سمسمك معروف كلك صرت
واضح بعد شيفيد من تنلهم

مطشر بصيتي گبال وادم غرب
ومن جيت ألمك گتلي لا،، لا تلم

ياصاحبي انه وياك مو بالحرب
ردتك تصون العشره وكت السلم

يفهم زوايا اجروحي چفك نبه
و وكت الدوه اچفوفك فلا تفتهم

ردتك تطيب الطعنه، مو أنطعن
منك ، و اذكرك من أريد أنلچم



♥
احمد العبيدي