ولا ظل بيه حيل
♥
♥
♥
♥

ولا ظل بيه حيل وحيل بيه وياك
مادورت عمري ورحت ادور حل
ولا من البدايه تحظرت للجاي
كون اول اخير وكل اخير اول
كون الميته عبله وعنتر تأمل
كون الورده تقسه وتذبح المنجل
كون تعيش زينب والنهر ينذل
كون الناقص اگبال الله مايكمل
كون الميل يرجع حته نتــبدل
كون العمر تالي والــــــگبر لاول
حته يحاسب الله الما حسبلي احساب
تاخذ غيبتي وتنطيني راح ازعـــل
واجيلك مختنك والگاك شهكه موت
اشد حيلي ولَكن بالعكس ينحــل
وانه ادري الورد كل حيله جوه الگاع
بس احساس عايش عيشة امشلل
وروح وتستفزني احچايه الله وياك
كونك تعرف الله بدمعي ما تقبل
اجالع بس اگـــــلك عايش مدلل
عشگي وياك ورده وعاشگه المنجل
بعد ما جف عطرهه ولونهه من الخوف
عافت مايهه ودورت موت اسهل
وذبلت والفراش اباله صوچ الماي
مايدري اليحب للظحكه مايندل
لذالك ماتحس بجرحي بس حسيت
مو كلمن زعل بالليل يتحــــــمل



♥
كاظم المالكي