اريد من الهوه العاش بكصيبتها
يا مرسال الضوه سولفلي اعله ضحكتهه
هذيج اللو طلع سنهه تشب حلاوتهه
مخنوك و يحز بيه النفس و احتاج
اريد من الهوه العاش بكصيبتهه
حاجيني عليهه او وين تكضي الليل
لكت واحد تسولفله بعبايتهه
لكت عين استحت و اتخوصرت للكاع
من يبدي الحجي و اتحركت شفتهه
لا تبجي و تخيب ظنوني بيهه ارجوك
كلشي و لا تكلي الناس جاستهه
كلشي و لا تكلي الروج فاتت بي
و اجه اليغرك لمس مجداف رحلتهه
يا مرسال الضوه علمهه من تروح
تعز بروحهه العشرتنه باعتهه
بعدني مراهن اعله حجابهه العاش
بحيره و بس هوه ايحوم اعله ضفتهه
وصيهه البجي لا يعبر بحسه الباب
خل يكبر دمعهه بكاع غرفتهه
كلهه العاشكج ما شاف غيرج يوم
سالفته البدت بيج انتي بنهايتهه
عشره اويه الألم و مناصف الضيم
و ادفن بالوجع من تعلى راحتهه
و كون الموت ينطيهه الفرح ممنون
اموتن بس تعيش اسباب راحتهه
الصديق حليم السكيني
رد مع اقتباس
