والله لو احجي اشجرالي بقلمي
1/والله لو احجي اشجرالي
اغيوم بس تبجي اعلى حالي
حالي من حال اليتامة
ابجي لكن من بجالي
بس البجي وياي صاحبتة اني
كل ما اصاحب زين راح ونساني
كل مااكولن زين النوب اني غلطان
حتى اسمي شو ناسيه سماني افلان
2/انتة هم شايف دمعتي
احجي وي روحي سمعتي؟؟
نشفت ادموعي تراها
الها اسئل وين رحتي
خلصت ادموعي اعليك ذبلانة العيون
تنكر عشرتي اتروح وية اليشمتون
شنهو السبب خلاك تنكر عشرتي
هيج ابسهولة النوب عديتة وكتي
3/كتلك اني اسمعني مرة
بكلبي لتخليها حسرة
سري للشامت تبيعة
وانتة بيري وبية ادرة
يمك اسراري وعود امنتك اسرار
تنطيها للشمات هيج انتة غدار
صاحب حسبتك عود واسراري يمك
ثاري الخيانة اوياك تمشي اوية دمك
4/جنت اضنك صاحب انتة
گلت بس هوة العرفتة
اتوقعت تشفيلي جرحي
تالي شو ضهري طعنتة
صاحبتك اني وعود شاري صحبتك
تالي اطلعت غدار توني عرفتك
بايع صحبتك ليش ياناكر الطيب
تجازيني بالنكران جرحك فلا ايطيب
رد مع اقتباس
