السلام عليكم
شلونكم درر .. يارب بخير
اليوم راح يكون عدنا شرح تطبيق أمبير
...
تطبيق أمبير : هو تطبيق يقيس قدرة الشحن الي ينطيها الك الكيبل او راس الشحن .. أو الشاحنة بالكامل
عدة حالات منفصلة مثل يكون عندك كيبل تريد تشوفه او راس شحن او شاحنة كاملة
قبل شرح التطبيق عدكم الملي أمبير
هو حجم بطارية جهازك
يعني مثلاً النوت 3 حجم بطاريته
3200mAH
يعني يحتاج شحن بين 800 – 1000 ملي أمبير حتى يشحن بوقت قياسي وشكل جيد
أكو همين شاحنة موبايل تشحن الموبايل بساع بس يخلص الشحن هم بساع .. وهاي الشاحنة تموت البطارية شوية شوية
لحد ما تبدلوها
من الافضل دائماً تشحن بالشاحنة الاصلية وترك أي شاحنة ثانية
شلون هذا التطبيق زين يفيدني؟؟
كم مرة سألتو نفسكم .. هل الشاحن الي استخدمه أصلي أو لا
التطبيق ما يبين الك انه اصلي عن طريق ربط الشاحن بقاعدة بيانات وهيج لا طريقته مختلفة
الشاحن الاصلي مثل ما كلت الكم يكون بين 800 -1000
ابسط مثال
رحتوا تشترون شاحنة من محل وكال الكم هاي أصلي ومن هذا الحجي وسعرها كالك بفد مبلغ غالي
خوما تشتريها كبل وتضيع فلوسك
لا جربها يمه وشوف شكد قدرتها .. اذا زينة وخوش تشحن اخذها ولا تتردد
التطبيق بيه ميزات اخرى مثل درجة حرارة البطارية
وضعها جيد ام لا
هسة نجي للتطبيق
التطبيق واجهته سهلة جداً
وبيه عدة أشكال .. ايضاً هو مجاني وبيه نسخة مدفوعة بيها مميزات اضافية حلوة
PRO features:
- Widgets
- Notification
- Alerts on device
- Alerts on Android Wear
...
هسة نجي للتطبيق ..
أول شي نخلي الجهاز على الشحن مثل ما بالصورة .. راح يظل شوية يقيس
وراها راح يطيك القياس شكد
أستخدمت نفس الكيبل لكن على راس شاحن مختلف .. الفولتية عندي اختلفت بين الاولى والثانية
وعلى الشاحتة الثانية يوصل لل 1000 ملي أمبير عندي
اذا تنتبهون أكو جوة فقرة
Max. USB curr
هاي تبين الك أكثر قدرة شحن ممكنة للشاحنة
لكن ما راح يوصل لهاي القدرة من الشحن
لان الجهاز يحمى والبطارية تنفجر .. هاي الخاصية تفيد أهل الكاميرات الاحترافية او اي أخر يشحن عن طريق نفس مقبس الشحن
ملاحظة أخيرة : المقصود بالشاحنة الغير اصلية مو كل شاحنة صينية
يعني مثلاً شاحنة عليها شعار سامسونك لكن مو أصلية
لكن شاحنة صينية من شركة Ldnio هاي أصلية
يعني الشاحنة الصينية نوعين
نوع صيني اصلي
ونوع صيني تقليد
رابط التطبيق
رد مع اقتباس
المشاركة الأصلية كتبت بواسطة حشداوي دولة وعلم
