السلام عليكم: القصة ما صارت بية لكن صارت كدّامي لهذا ممكن أسولفها كتجربة عضو.
من كنت مرحلة ثانية في كلية الحقوق (القانون)، كان عدنة امتحان بمادة مزعجة وصعبة جداً اسمها (علم المالية العامة والتشريع المالي)، الأسئلة طبعاً صعبة مثل المادة، طلعنا ممجاوبيندا أتمشى وية صاحبي كان مزفتها حيل بالامتحان فصاير عصبي بس كتله (ها شسويت) المسكين اشتعل غضباً واستلم المادة بال......... والنوب نزل على الأستاذ ...... بعد أضبط من الأولى،
آني أحاول أهدأه ليسمعنا واحد وينقل السالفة للأستاذ ويسويله مصيبة خصوصاً هذا الأستاذ كان شوية صارم والنوب معاون العميد يعني اللي يطيح بيده يتبهذل،
واحنة دنتمشى وصاحبي مشتغل بالتفليش .. صاحبي إلتفت شاف الأستاذ يمشي ورانة ويبتسم،
خطية الولد صار قوس الطيف الشمسي من الألوانوأحلى شي فات الأستاذ وسلم علينا (شلونكم شباب ؟) وطلع كُبَل، ظل صديقي متوقع رزالة أو عقوبة تجيه
بس الحمد لله ما صار شي والأقوى يوم صارت عنده مشكلة بالتسجيل صدفة كان نفس الأستاذ فايت شافه وساعده.
نصيحة ديرو بالكم لتستلمون واحد بال..... ولا تحجون عليه ترة ممكن يطلع يمشي وراكم وانتو متدرون.
رد مع اقتباس
المشاركة الأصلية كتبت بواسطة Gardi
