اشكرج جزيل الشكرالمشاركة الأصلية كتبت بواسطة سارهـ الطائي
حلو
نورت اخوية علاء
اشكرج جزيل الشكرحلو
نورت اخوية علاء
حلو
نورتي وردة
شگـــول عليك اگـــول انســــاك
روحي ويــــاك شگـــول علــــيك
اضـــل زعــــلان مــر فرگـــاك
ومثل فزة طفل روحي ..
تفز لو سمعت بطرواك
ومثل وردة وشحيحه ماي ..
نزلت مطر تتنـــخاك
واگلك هاك شوف جفاك
شوف شسوه بيه جفاك
زامل سعيد فتاح
ما معقول احبك وانشغل بهواك
موش انصاف هذا وانه ما اقبل
ولو آنه اعترف هذا الجمال البيك
من ربك هبه وما صانعك معمل
خليلك ثقـه وخليني اسولف بيك
وخل احجي بمزاجي وكون ما تزعل
تمنيتة گربک مثل
چفین تدعي السمة
هیچ انه یمک اصف
حسین المطوري
يمه چـــا هو الفقير اشسوه من لچمه بگلبهم
يمه چـــا هي الصريفة ...
شماخذه وخايف قـــصرهم
كاظم خبط
گلي شراح اگلك وانته راح اتروح
وليش اتلح عليه وتنتظــــر ردّي
هذا السان حالي دموعي تحچي وياك
وراح اسكت واحچي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
ضل وياي اريدك والبقن چم يوم
وهالچم يوم صارن حدك وحدّي
خليني ارد اشوفك گمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باچر انجــدّي
اخذني وياك اريدك ماأريد الغير
وكون ابسدك اگعد واگعد ابسدّي
لتخليني وحدي منين اعرف الناس
لااگدر اعاشر لا خلگ عنـــــدي
احب اشلون غيرك من اود اشلون
وانه وياك كلش خلّصـــت ودي
ابگد حبك النفسك چنت اناني وياك
ومنو ابگدك يحبك محد ابـــگدي
يل بيه ويه روحي الطلعه طلعت موت
شيردكم عليَ لو صيحــت ردّي
اخذني وياك مني اشعندي باقي وياي
وگلي وياك اخذني وكلشي لتودي
شيصيرن بعد خل اليصير ايصير
خل كلشي الأليه وينگلب ضــدي
خل اسنيني تغرگ خله عمري يفيض
خل اگبال عيني وينهدم ســـــدي
خايف صح چنت بس چنت اخاف عليك
والمن بعدك انته وخايف اشعندي
جبار رشید
جبت كلشي وعفت كلشي
ومدري شلون اجيت امشي
اجيتك ردت اگلك شوف
ردنه نعوف كلشي وماكدرنه نعوف
وكون تشوف حالي شگد الك ملهوف
جبت كلشي اليسولف بيك
خيالي. . .وصحوتي. . .وطيوف
جبت دگات گلبي الگطعن گلبي بجفاك سيوف
جبت صفنات روحي السودنت روحي
مثل جني وعل يتيم يحوف
وكون تشوف بشفافي الحزن ماخله بسمه تعيش
وكلما كمت ابوسه اطبع بخده حسره و اوف
وكون تشوف دموع الچدم مايدريوين يروح
والخطوات عميه وتايهه بلا شوف
وكون تشوف خلصت الوجوه وشفت كل ناس
كلها وجوه غربه ولا وجه معروف
وين الگاك؟
خلصت الوجوه وخلصت كل الناس
وين الگاك يلموصوف اليه وانه الك موصوف
يلفرگاك غربه وكلشي مامالوف
انه بلياك مدري شبيه مابيه
زلف وبلايه ترچیه
نهر فاض وتبع ميه
رجع بس مالگاله جروف؟
وكون تشوف روحي شخله بيها الخوف
مطلوبه نذر وتخاف ماتوصل حضرتك من بعيد تطوف
وكون تشوف روحي شخله بيها الخوف
مثل حله مدارس روحي احسها اطفال
راحت وتركتني وباقي بس صفوف
وياوحشه صفوفي. . .وياوحشه بيوتي
يا وحشه عيوني. . .ويا وحشه ضنوني
ويا لون الوجه البعدك بقى مخطوف
يا قسوه ضنوني الماتريد ارتاح
وانه الصاير اسير وبيدهن مجتوف
كون الگاك واشكيلك على جروحي الگیت الغشمه ببيها تروف
كون الگاك واحچيلك بكتاب السنين انحذف كلشي الچان
بس اسمك بقى مامحذوف
و اذكرك من مسحت دموعي باخر يوم على خدودي
احس ليهسه طبع چفوف
وكون الگاك واشكيلك عيوني نظيفه تصير وكت النوم
هلبت بالحلم منك تجينه طيوف
جبار رشید
رد مع اقتباس