ليوين أزرعك ملگه وأحصد مگفاك
ليوين وجهك حصة المايسواه

ظليت نجمه بنجمه أعد ليل إسماك
ليل البلايه إنعاس يگضي إمتاناه

من أهد آخر نسمه من چفگ ذاك
مخنوگ زلفي الشيب ظل يتحلاه

لمـن تـرد بيـا سمـار أتلگـاك
وانة الدمع ماي الوجه طاح إوياه

الشوگ غربه وعرف مالي بدنياك
والدمع ينذل كون چف ما لاگاه

هندس خطوتي ودربي وحشه إبلياك
كل نسمه وإنت بعيد تترسني إشّاه

لا بي بخت لا حوبه وَن التهواك
لا عشره لا شوگ اليردك، ويلاه

الوكت مااگلك وگف من فرگاك
بس مو مثل گبل الموادع مـمشاه

ما متت بعدك بس أعيش أمن الگاك
النهر يفرح لو ورد شاف إحذاه



ايما صباح ♥