المشاركة الأصلية كتبت بواسطة سورين
أكثر الشباب والغالبية العظمى يعانون من هشاشة داخلية للأسف
ولذلك يحاول عقلهم يفسر اي اهتمام او لطف على انه هذا حب ..
لذلك نشوف العلاقات الالكترونية هواي ..
وهالشي نابع من نفسية الانسان يعني هو مو مجرد لعب او مضيعة للوقت ..
الحب ميعرف المكان الي يتواجد بي ربما يبدأ بسجن او على مركب سفينة او بداخل شاشة صغيرة
وهواي اشخاص شفت علاقاتهم بدت من النت وما شاء الله اتطورت لمرحلة الزواج ..
منهم صديقي واخوية
لذلك كل فرد وعلاقة الحب لازم تتوفر بيهة 3 عوامل حتى تستمر ديمومة هالعلاقة مهما كانت هشة او المسافة بعيدة بين الطرفين
- الصداقة
- التفاهم
- شغف الرومانسية ^-^
شبابنة العزيز هو من يرتبط ببنية يخلي أبالة الماضي او البنوتة الحبابة ترتبط بولد اول شي تخلي بعقلهة هو الزواج طبعاً هالشي جاي من حكم المجتمع
(بالنسبة للزواج هو نهاية حتمية لحب حقيقي وناجح )
لذلك تبدي المشاكل وتتساقط نقطة ورة نقطة من العوامل اذا جانت موجودة
...
بالنسبة للهشاشة فمن واحد يشوف انسان ناجح بحياتة العاطفية
لا ارادياً يتكون ضعف بداخلة والهشاشة ويحاول يمليهة ويوهم نفسة انه اي علاقة حتكون حب
من ينتهي الشغف ويتعبأ الفراغ بالحب الوهمي
طبعاً حتكون النهاية بلوك ^-^
هواي حجيت
ويمكن مسلتت هههههههههه
بس نصيحة للي يريد يرتبط بأنسان يعجبة ^-^ اول شي تشوف التوافق العقلي وتفتح مواضيع هواي مهمة بالحياة
وتشوف طريقة تفكيرة لأن هي الاهم
وثاني شي ليستند ع كلامة بأنه هو هجي وهجي
خلي يروح يسأل ع خلفيتة ويعرف كلشي بالماضي عنة
حتى لو كان سيء المهم انه متجاوز هالسوء بداخلة
بالنهاية الحب يخليك أنسان صالح حتى لو نهية الحب مو سعيدة
وشكراً
رد مع اقتباس
