احلفت مبجي على افراكك ولا نوح
وبعد ماردد بأسمك ولانوح
يوسف ما ابتلى مثلي ولانوح
ولايعقوب مر مثلي بأذيه
..............
صديجك لاتامن بيه جربه
وحبل الصدك لاتنطي جربه
لاتربط صحيحه كبال جربه
اخاف عليك يسري الصار بيه
..............
جفك لايمسني ... مستحيله
وانا المايستحيلي ... مستحيله
عشرتي وياك صارت ... مستحيله
وانا الممنون اذا تكطع الجيه
..............
عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه
..............
هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه
..............
الج بس انتي گلبـــــــــــي .. ورجيته
ودمع العــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه
..............
رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه
..............
غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه
..............
الا تظلم دليلي اياك وياك
انه طفيتك وجف الغير وياك
صدك من علي تهد وياك
اهد وافزع وطك بثنين اديه
..............
سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه
..............
حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه
..............
حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه
..............
روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرم و وصلك عليه
..............
اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه
رد مع اقتباس
