حسين الحبتري
بين امسح دمعتي وبين ارد مكسور
وبين اضحك جذب مابين البيه
خيرك زايد معجبني ليش تبيع
الينباع بوزه عيونه على راعيه
علي يونس
المهم مشتاقلك خلينه من الراح
واتركلي الخيانه وحلوه لاگتلك
مال ارجع واردلك سالفه ويه الموت
بس الصدگ ميت رايد ارجعلك
حسين الحبتري
ماعندي بغيابك خلگ
أذكر عيونك واختنگ خنگة الماتوا ولده
طايح بحبك لو شنو طايحلي گلي بشدة
سديتها بوجهي ورحت
وبوجهك ألبوم الصور ماجان جفي يسده
الكاتلني عايفتي البشر عندي گلب ماعنده
شيفيد وياك الحجي
وانا ادري بالعشاگ صدگ حجايه وحده ترده
علي يونس
ترا الذلة الصدگ تتقارن وي الموت
من تشوف ولفك ويه غير انسان
من تشوف روحك تـگعد بدمعات
وهو هناك بعدك يوم ماحلمان
من تنسى الضحك وتحس قريب الموت
وولفك بالمقابل يضحك وسهران
ما محتاجلك مرتاح انا تناسيت
ترى كلهن جذب بس الصدگ تعبان
حسين الحبتري
ما محتاجلي بس انا الك محتاج
شـكثر فكرت أخونك ماوصلت لـ حل
انوي لشگ صورّك والتهي اشبع شوف
وأگولن ليش أشـگهن هذا المدلل
انا الما احب ازعلك حتى من اتغيب
شكثر رادوني غيرك بس خفت تزعل
مشكلتك تبيع الحبك وراداك
بالــگلوب التحبك كلشي ماتندل
علي يونس
بجيني بعد وأنت أستلذ وارتاح
والمرتاح ولفه جروحه ينساهـــــا
انه متوبها عيني ؟ دموعي هاي منين ؟
منك ؟ مدري مـــــن الظيم ؟ الكَاهــــا
وديلـــي نفس وديلــــي دمعة شوگ
تره حتـــه الرسالة الفارغة اقراها
رد مع اقتباس
المشاركة الأصلية كتبت بواسطة *زينتي حجابي*
