محد يحس
ياهو التحاجي منشغل
والدنيا هوسه بنص عرس
محد يشيلك لو طحت
واقربهم بجرحك يمس
محد يحس
***
ياهو التحسبه العون الك
ينگلب ضدك بالعكس
دنيانه صارت مهزله
وبيها الملك صاحب فلس
محد يحس
***
دنيانه صارت خربطه
وبيها البشر ترفس رفس
حتى الارض عطشت وفه
وضاع اليوفي وماله حس
محد يحس
***
حتى الشمس راحت غفل
مارجعت تضوي الشمس
حفله الوكت والكل عزم
بس بابي عافو وانعلس
محد يحس
***
ايامي زاعلها الفرح
وسنيني مامرها الونس
الدنيا تصرخ بس علي
والشامت تحاجي همس
محد يحس
***
بس باجر تريده الخلگ
محد ذكر طاري الامس
خواني عافوني ومشو
والغربه ترستني ترس
محد يحس
***
ياهو اليحس
رتبها وكتي المشكله
وشال الترف حط النگس
مابيها امل مابيها امل
مخنوك حتى من النفس
محد يحس
***
نجحها كلها الماتحل
وكتي وطردني من الدرس
محد يحس
... منقول ...
عذرا لم أجد اسم الشاعر
رد مع اقتباس
المشاركة الأصلية كتبت بواسطة آشگ گوزلر
