اليوم مر علينا خالي ويا سيد
هل السيد من اهل الله قول وفعل
عيونه ملونه عمره يمكن 80 سنه اكثر الابتسامه دوم على وجهه والسوالف الحلوه ما تفارك لسانه اطال الله بعمره
السيد سولف عن شبابه بزمن عبد الكريم قاسم قال (واكد كلامه خالي )
جان بشبابه ضخم حيل وقوه يكول تراهنت مره اكل 6 مواعين تمن ويه شخص وانا بلشت اكل بيهن وكله تشجع اجه شخص ثاني راهني على 8 مواعين فهو خلص من ال6 وبلش ب8 مواعين اكل منهن 4 واذا الشخص يكله خلص كافي انا اسحب الرهن لان الصح ب50 فلس هيج شي اذا ما خانتني الذاكره فكله لا ماكو هيج حجي نكمل الرهن لل8 لان السيد بعده جوعان ما شبع من 10 مواعين الي اكلهن فكملو الرهن وصارن14 ماعون
السيد رجع للبيت المغرب يكول للمغرب انا جعت من جديد كلت للمره حضري الاكل
كالت كض الطفل الى ان اجهز الاكل
السيد يهز بالطفل وريحة الاكل بخشمه يكول خليت المره تطلع بره البيت وادخل للمطبخ
واشوف الاكل كبالي وبديت اكل واكل واكل
ولنه السيد ياكل الجدر كله الي هو كيلون تمن بزمكي جايبنهن للعائله كله وبذاك الوقت صعب تحصل التمن السيد يكول ما حسيت فرغ الجدر
واجت زوجته ظلت ادك على راسه وين وديت التمن شاكول لابوك هسه ولاخوانك
يكول كتله انتي روحي يم الطفل وما عليج غلسي وانا رايح لاهلج اذا كضو بيه ابقى للعشه اذا ما كضو ارجع
يكول لنه ما كضو بيه فرجعت كتلهم وين العشه
باوه من عصبيته ربطه
يكول كتلني كتله لحد هسه اذكره
كل ما يضربني راجدي اصيح افيه جكد طيب البزمكي
