أخـلاف الوالده الجـانت حنـينه
مظـلمه اديارنه وظـلت حـزينه
بعد مامـش هلا ويايـمه حـياك
مشـت لرض النـجف وتيـتمينه
يلمعـجله برحيلج ليش تمشـين
منتـي الوالده بحـظـنج ربـينه
شحلات اليمه جانـت نـور بلدار
هـسه اليـمه راحـت ونـتهـينه
تـعاي بـعازتـج ردينه الـصوت
خـرسه ايامه بـدونـج حـزيـنه
تعاي شتسوه دنيه بدون ملكاج
مـهو صـوت الـحزن خيم علينه
يـلفارغ مجـانـج ياهـو يمـليـه
فـراغ شـكـبر باقـي ومادريـنه
ترئ فراكج صعب ياوالده اهات
ترك نيـران بـينـه وماطـفـيـنه
ماعـدنه صـبر ياولـده شـلوون
مشه وياج الصـبر يمه وبگيـنه
سـلوانه البـجه واهاتنه تحـوم
الفـاكد ام عـزيزه الله يـعـيـنه
شـيفيـد المـناطر ياضوه العين
ترئ الفـاكد بصر شتيفده عينه
يلـجـنتـي فـرح دنيه ومسرات
ودللـول الـولد يامه اسـمعينه
هسا الظل بعد بس نور ذكراج
وگبر برض النجف مبعد عليـنه

الشاعر حسيب المالكي