ولا صرتلك
يا ما قمصانك بچن غربه ورسايل ،
ما صرتلك
يا ما مكتوبي عطش چفك يشبگه
وتنفتح شمسك جدايل ،
ليش من طشوا سمارك ، ما صحتني؟
ليش من باگوا نهارك ، ما صحتني؟
يا حبيبي الگاع جمره لكل گلب حبها وهواها
يا حبيبي القبلة سفره لكل وجه رايد سماها
وسفرة المامش غربتك .
مدلي دمك بــ الاغاني وبالچفوف التهوه زندك
صيح چدمي الواگف متاني عناوينك خضار
لكل صفار البيه منك
مالي حيل الگه الصور ، وانشد ضحكتك
چفوف
والبيان
والحنه وسمارك ،
وحشة الناس التحبك ،
كلها يمي ومنها بگتك
ولا نشد دلّاني بابك خاطر استغفر واصلّي
ولا وطن مكتوب بيه ، وتلگه روحك بيه كلّي.
علي شميل
رد مع اقتباس
