سلام
خلي ابلش بدون مقدمات ولف ودوران
البارحه رحنه فرفرنه ع اخوالي وكانت اجواء كلش حلوه للحظله الي عرفت بيها انهم مشترين بلي ومعدهم غير اقراص كرههنا انصدمت وصرت صافنه حسبه تاخذني وحسبه تجيبني واول شي اجه ابالي رح انغلب والله وره شويه اجه ابن خالتي عدوي اللدود وتحداني كدام الملأ العب وياه
(المشكله اني معروف عني مارفض تحدي ومو بس هذي المشكله انو اني كلش ماعرف العب كره الي اعرفه بس اكسر)هسه شنو اسوي واتحداني كدامهم كله..م ياكاع انشكي وبلعيني(مدري طميني هههههههه)المهم كلتله يله روح شغله واني جايتك اختارلي العراق وبديت اسطر حجي وطني وهو اختار ريال - اتفقنه اعتبر فائزه اذا هدف عليه3اهداف بس(هذا يعتبر فوز واني ولا اهجم اختصاصي دفاع وشلون دفاع) اوكي وبلشنه اول شوط هدف عليه 2 بقى بس واحد هذا واني الجمهور كله وياي ولاتشوفون الهوسات والتصفيق والتعليمات الي ينطونياها
بدأ شوط لخ الي هو الثاني وهدف عليه 2 لدقيقه 80 واني معتبره هذا نصر (لان اللعبه القبلها خسرت9-0_- وجرجرتها واتفقنه بس 5 اهداف)وبعدين هدف عليه بلمح البصر 2 وخسرت هذا الحجي قبل العشه واني ضجت كلش وحتى متعشيت انتم شايفين هذا الشعور لمن انت مختار العراق ودتمثله وانت فشلت ولمن تخسر التحدي ولمن تفوز عليك ريال الكره
والله مكدرت اكل خطيه خالو كسرت خاطره ظل يتوسلي بس اكلي اجيبج من المطعم اطلعج تاكلين كتله والله حتى الاكل كمت ماحس بطعمه بعد ماذقت طعم الخساره
وبعدحركت ابن خالتي كدام خالو وترزل بعدها ارتاحيت ورجعت اكلت
رد مع اقتباس
المشاركة الأصلية كتبت بواسطة بِنْتُ الإِبَــا
