السلام عليكم اعزائي الدرر
اليوم حبيت اشاركم قصتي
قبل يوم من وفاة والدي اني جنت بيت عمي وجنت حيل فرحانة وجان ثاني يوم دوام عندي فقررت ارجع لئن عندي دوام گلت العمي حتى يرجعنا گال عمي اوكي المغرب اوديج
صار المغرب اجى ابن عمي فگال يلة تحضري حتى انوديج حضرت نفسي ورحت اني وبت الي هي عاشقة الورد وبنت العمي الصغيرة
بعد ما وصلنا البيتنا بابا يضحك طبعا هو جان ميگدر هواي يحجي بسبب الجلطات بس شوي يحجي راح بيت عمي من عدنا
ثاني يوم رحت للمدرسة ورجعت لگيت باب الشارع مفتوحة بهاي اللحظة اني تفاجئت شنو السبب مفتوحة الباب لگيت ماما تبجي والجيران ملتمة ابيتنا واخوية شايل ابويا گتلهه يمة شبي ابويا وانا ابجي گالت مابي شي شوية متخربط روحي بدلي
رحت بدلت ورجعت اجيت حتى احضن ابويا وابوسة منعني اخوية واخذا وراح ودا للمستشفى انا ع أمل يرجعلي ابويا مابي شي رجعلي ابويا بتابوت وانا ما احجيلكم شصار بية بذاك الوقت انتوا تخيلوا
ومن ذاك الوقت لحد هذا الوقت وانا تجيني تخيلات ابالي ابويا عايش وكول ما اصفن يجيني صوتة واركض للمكان الجان ينام بي واصيح ها بابا صحتني شتريد بعدين اذكر ابويا راح من گدام عيوني واظل ابجي
اسفة ع الأطالة
رد مع اقتباس
المشاركة الأصلية كتبت بواسطة مہحمہد عہلى المہوسہوي
