مامتت
مامتت كلي بفركَتج ظليت بيه شويه
يالبيج سر من النجف مدفونه كلج بيه
تلمع عيوني من الدمع يل لمعتج ترجية
وهمزين من رحتي بوكت للسهر شايل نيه
وبحيلي ماعاشكَـ كَبل والنفس ترس الريه
حضرت شيبي ورجفتي وصفنه وبجي وجفيه
شبعت عيونج بالكحل والدمع شابع بيه
مشتاكَلج يـ بنيه
ومعذوره يـم دم العذب فدوه الج كَلبي اللي انهب
متروسه عينج بالذهب ماشفتي دمعي البيه
وين أنهزم ، وين أنهزم من نظرتج
يل تمشي ناس بصفنتج
وخيول سوده بكَذلتج تسحكَـ عليّ يوميه
مشتاكَلج يـ بنيه
ما ادري وين اصفن بعد
حطيت عيني بدمعتي وطلعت عيونج بيها
عفتيني وحدي بظلمتي وكل كَمره طفيتيها
امي وابات ابمكَبره ووليدي نايم بيها
احجيها روحي امودعه بس كَلبي مايحجيها
وبس دمعة ظلت بالجفن يمج اريد ابجيها
عفتيني وردة بلا نده وطاحت الصحره اعليها
وخليني هسه من العتب معذوره يم دم العذب
متروسه عينج بالذهب ماشفتي عيني شبيها
احتار، احتار اصد اليا درب كل الدروب دروبج
شفايتلي وردة امطرزه والمع بطارف ثوبج
غروب دنيا الله سهل بس المصيبة اغروبج
لو بيه حظ من النده الكَاني كَطره ابوبج
ياحلوة يم شعر الكحل يل بيج همي ولوني
عفتيني وحدي ابحسرتي وجروحي مايردوني
سافرت ناس ابصفنتي وجانت النية ظنوني
وحنيت ، حنيت والدنيا برد والثلج غطه امتوني
واذكر من ارجف بالبرد وخصلاتج يغطوني
دليني ، دليني وينج ارد اجي دمعاتي ميدلوني
وتيهته مااعرفه الدرب
معذوره يم دم العذب
متروسه عينج بالذهب ماشفتي دم بعيوني
رد مع اقتباس
المشاركة الأصلية كتبت بواسطة اميرالفتلاوي
